په کندوز پوهنتون کې د معالجوي طب ایجاد او د ستوماتولوژۍ پوهنځي د احیاء په اړه د لوړو زده کړو وزارت مقام او رهبرۍ څخه مننغونډه ترسره شوه.
یاده غونډه چې د کندوز پوهنتون حقوقي کلینیک دغونډو په تالار کې جوړه شوې وه چې د کندوز پوهنتون رهبرۍ په ګډون ، د پوهنځیو رئیسانو ، د ولایت مقام مسوؤلینو ، د علماوو شورا غړو ، د دې ولايت ادارو رئيسانو ، تجارانو ، مخورو مشرانو ،دولتي او خصوصي پوهنتونونو استادانو،او محصلینو ګډون کړی وو په بریالیتوب سره پای ته ورسېده.
د کندز پوهنتون رئیس ضیاءالدین سیرت ګډونوالو ته د ښه راغلاست ترڅنګ وویل چې د دغه پروګرام له ترسره کېدو یې موخه په کندوز پوهنتون کې د طب د پوهنځي د ایجاد او د ستوماتولوژي پوهنځي د بیا احیاء په برخه کې کندوز پوهنتون رهبرۍ او کندوز ولايت ولس د لوړو زده کړو وزارت د رهبرۍ پرېکړې خوښي وښوده څرګنده وي او کندوز پوهنتون کې یې د طب پوهنځي ايجاد او د ستوماتولوژي پوهنځي بيا احیاء کول دکندز د خلکو له پرله پسې غوښتنو او لومړيتوبو څخه و ه چې له نيکه مرغه هغه هیله د کندوزیانو پوره شوه.
همداراز په غونډه کې د ولايت مقام مسوؤلینو ، ګډونوالو په خپل وار سره د کندوز پوهنتون رهبرۍ وروستۍ هڅې وستایلې او د دغې سترې لاسته راوړنې مبارکي او له لوړو زده کړو وزارت له مشرتابه او رهبرۍ څخه یې مننه وکړه.
یاده مننغونډه د کندوز ولايت د سرحدونو او قبایلو چارو رئيس مولوي احسان الله ثاقب په دعاء پای ته ورسېده.
