پوهندوی عبدالعزیز نعماني د هرات پوهنتون د نوي رییس او انجنیر محمد زبیر حقمل د لوګر لوړو زده کړو موسسې د مالي او اداري مرستیال په توګه وټاکل شول.
۱۴۰۰کال، د سلواغې ۱۱مه
پوهندوی عبدالعزیز نعماني د هرات پوهنتون د نوي رییس او انجنیر محمد زبیر حقمل د لوګر لوړو زده کړو موسسې د مالي او اداري مرستیال په توګه وټاکل شول.
د یادو کسانو د معرفي کولو پر مهال د لوړو زده کړو وزارت پلاوي، د یادو تحصیلي بنسټونو مشرتابه، استادانو او اداري کارمندانو ګډون درلود.
د هرات پوهنتون نوي رییس پوهندوی عبدالعزیز نعماني د هېواد ځوانانو د روزنې په برخه کې د هرات پوهنتون مخکني رییس او استادانو نه ستړې کېدونکې هڅې وستایلې او د یاد منسب له امله یې د ا.ا.ا او لوړو زده کړو وزارت له مشرتابه څخه مننه وکړه.
همدارنګه د لوګر لوړو زده کړو موسسې نوي مالي او اداري مرستیال انجنیر محمد زبیر حقمل د یاد تحصیلي بنسټ استادانو او کارکوونکو ته خپله کاري طرحه وړاندې کړه او د دغې تحصیلي موسسې له کارمندانو یې وغوښتل، چې د چارو د غوره ترسره کولو په برخه کې همکاري ورسره وکړي.
