د لوړو زده کړو وزارت له لوري د Edx او Afghan x زده کړییزو برنامو ورکشاپ دایر شو
د هیواد دپنځو سترو پوهنتونونو دعلمي کادر د غړو لپاره د لوړو زده کړو وزارت د برېښنايي زده کړو د کمیسیون له خوا د Edx او Afghan x زده کړییزو برنامو ورکشاپ دایر شو.
په دې ورکشاپ کې چې د پولي تخنیک پوهنتون د معلوماتي ټکنالوژۍ او اړیکو په مرکز کې دایر شوی و، د ننګرهار،هرات، بلخ، کندهار او خوست شیخ زاید پوهنتون علمي مرستیالانو او د علمي کادر یو شمېر غړو ګډون درلود.
د ورکشاپ ګډونوالو ته د درېیو ورځو په ترڅ کې Edx پلټفورم او افغان ایکس Afghan x پروګرامونو د چمتو کولو مهارت، د ایډکس او افغان ایکس د نړیوالو کورسونو د ثبت او ضبطولو په اړه عملي زده کړې ورښودل کېږي.
