د لوړو زده کړو وزارت مالي او اداري معین د ښار جوړونې وزارت له معینې سره وکتل
د لوړو زده کړو وزارت مالي او اداري معین نور احمد دروېش د دغه وزارت ۱۸ تحصیلي بنسټونو د احاطوي دېوالونو طرحې او ډیزاین د پروژو د څرنګوالي په اړه د ښار جوړونې وزارت له معینې سحر همدرد سره خبرې وکړې.
د لوړو زده کړو وزارت مالي او اداري معین په داسې حال کې چې د دواړو وزارتونو یو شمېر رییسانو او تخصصي ټیم هم حضور درلود، د ښارجوړونې وزارت له پلاوي څخه د لوړو زده کړو وزارت د پروژو په اړه معلومات وغوښتل او ټینګار یې وکړ چې دواړه وزارتونه باید د پاتې پروژو کار په همغږۍ او همکارۍ تر سره کړي.
د ښار جوړونې وزارت معینې سحر همدرد د خپلو پروژو په اړه د معلوماتو وړاندې کولو تر څنګ وویل چې موږ به ډېر ژر په نومړو ۱۸ پروژو کار پیل کړو.
د ناستې په پای کې پرېکړه وشوه چې له دواړو وزارتونو یو ګډ کاري متخصص ټیم وټاکل شي چې د پاتې پروژو کار په ښه همغږۍ او ټاکلې نېټه پای ته ورسږي.
