د لوړو زده کړو سرپرست وزیر الحاج مولوي عبدالباقي حقاني د افغان نړیوال پوهنتون د استادانو په نمونوي تدریس (ډيمو) ازموینه کې ګډون وکړ
۱۴۴۳/۱۲/۳
۱۴۰۱/۴/۱۱
د لوړو زده کړو سرپرست وزیر الحاج مولوي عبدالباقي حقاني د افغان نړیوال پوهنتون د استادانو په نمونوي تدریس (ډيمو) ازموینه کې ګډون وکړ.
د لوړو زده کړو سرپرست وزیر د ازموینې په پیل کې وویل، چې موږ د بهرنیو هېوادونو د علمي کادرونو د تجروبو په همکارۍ سره د افغانستان پوهنتونونو په ځانګړي ډول افغان نړیوال پوهنتون د کیفیت لوړولو په هڅه کې یو او زیاته یې کړه چې ترکیې او ځينو نورو اسلامي هېوادونو ژمنه راسره کړې، چې د تدریس لپاره خپل استادان افغانستان ته راواستوي. دغه راز نوموړي د افغان نړیوال پوهنتون د علمي کادر د ازموینې پر روڼتیا ټينګار وکړ او پخپله یې د دغې ازموینې څخه څارنه وکړه.
د یادولو وړ ده چې نن د افغان نړیوال پوهنتون له یو شمېر هغو استادانو څخه د نمونوي تدریس (ډيمو) ازموینه واخیستل شوه، چې مخکې په تحریري او تقریري ازموینه کې بریالي شوي وو.
