د لوړو زده کړو وزارت مالي او اداري معين هرات پوهنتون ته د خپل کاري سفر په ترڅ کې د یاد پوهنتون رهبري پلاوي سره وکتل.
د لوړو زده کړو وزارت مالي او اداري معين الحاج مولوي حافظ محمد حامد حسيب د ياد پوهنتون رهبري پلاوي سره په کتنه کې په دغه پوهنتون کې د افتاء او قضاء برخې د تخصص پروګرامونو رامنځته کولو څرنګوالي په اړه د خبرو ترڅنګ د درسي چاپېریال، پوهنځيو، د ليليو وضعيت او د دې علمي بنسټ ټولو نيمه بشپړو شويو تعميراتي پروژو څخه هم ليدنه ترسره کړه.
همدارنګه د دې وزارت مالي او اداري معين د هرات پوهنتون رهبري پلاوي د ستونزو او پيشنهادونو اورېدو وروسته د شته ستونزو د حل په برخه کې د همکارۍ ژمنه وکړه.
