د لوړو زده کړو وزارت مالي او اداري معین په مشرۍ د وزارت مرکزي ریاستونو او دویمي واحدونو له لوري اداري مراسلاتو (رسمي لیکونو او اسنادو) د کړنو د ګړندې کېدلو کمېټې ناسته وکړه. د ناستې په پیل کې د لوړو زده کړو وزارت مالي او اداري معین مولوي حافظ محمد حامد حس
د ناستې په پیل کې د لوړو زده کړو وزارت مالي او اداري معین مولوي حافظ محمد حامد حسیب د دغې کمېټې او ناستې په اړه وویل « د کمېټې او ناستې هدف دا دی، چې د اسلامي نظام تر چتر لاندې اداري چارې په ښه فکر او ښه عقیده پر مخ ولاړې شي، د اداري مراسلاتو چارې چټکې، ستونزې په ګوته او حل لارې ورته پیدا شي».
هغه دغه راز وویل چې مسؤلیت د اللهﷻ له لوري یو امانت دی او کله چې دغه امانت په غاړه اخلو، نو پر مونږ لازم دی چې حق یې ادا کړو او په اخلاص ورته کار وکړو.
په ناسته کې همدارنګه د وزارت د مرکزي ریاستونو او دویمي واحدونو د فزیکي مراسلاتو په چارو کې د ستونزو، خنډونو او ورته د حل لارو چارو برابرولو چک لېست پر غني کولو او معیاري کولو د کمېټې د غړو نظرونه او وړاندیزونه واخیستل شول.
د یادونې وړ ده، چې دغه کمېټه د لوړو زده کړو وزارت د رهبري شوار د پرېکړې په اساس جوړه شوې ترڅو د وزارت د مرکزي ریاستونو او دویمي واحدونو اداري مراسلاتو (رسمي لیکونو او اسنادو) د چارو ګړندیتوب لپاره کار وکړي.
