د لوړو زده کړو سرپرست وزیر بغلان ولايت ته د رسمي سفر په ترڅ کې د ياد ولايت د جامعه دارالعلوم حقانيه مدرسې د فاضلانو د دستاربندۍ په مراسمو کې ګډون وکړ:
د لوړو زده کړو سرپرست وزیر شیخ الحدیث مولوي نداء محمد ندیم په یادو مراسمو کې د طلباء کرامو او حافظانو په فراغت خوښي وښوده او د شل کلن دور پر مهال يې د بغلان د غيور او مجاهد اولس د مبارزې او قربانۍ ستاينه وکړه. نوموړي علماوو ته په خطاب کې وویل چې اوس مهال تاسو ته په افغانستان کې د حق ویلو تر ټولو ښه زمینه برابره ده او زیاته یې کړه: «تاسو ته د اسلامي امارت امیر د حق په ویلو امر کوي، په داسې حال کې چې ډېری هېوادونو کې علماوو ته د حق ویلو اجازه نه ورکول کېږي.»
همداراز د دیني علومو پر ارزښت وغږېد او زیاته یې کړه چې خلکو ته د خدمتونو وړاندې کولو لپاره پوهه او علم اړین دی؛ ترڅو د هغه په رڼا کې خپلې کړنې ترسره کړي.
نېټه: پنجشنبه
۶/۷/۱۴۴۵هـ ق ۲۸/۱۰/۱۴۰۲هـ ش ۱۸/۱/۲۰۲۳م
