به منظور آگاهی بیشتر استادان و کارمندان پوهنتون فاریاب از قانون تحصیلات عالی ملکی و سایر اسناد تقنینی وزارت تحصیلات عالی، ورکشاپ...

25 دلو1400 
به منظور آگاهی بیشتر استادان و کارمندان پوهنتون فاریاب از قانون تحصیلات عالی ملکی و سایر اسناد تقنینی وزارت تحصیلات عالی، ورکشاپ دو روزه آگاهی‌دهی از سوی مرکز انکشاف مسلکی ( P D C )  در این پوهنتون برگزار گردید.
در آغاز این ورکشاپ پوهنمل فیروز اوزبیک کریمی رئیس پوهنتون فاریاب پیرامون اهمیت تدویرهمچو ورکشاپ‌ها در راستای ارتقای ظرفیت اعضای کادر علمی و کارمندان اداری و تاثیرات آن بالای عرضهٔ خدمات تحصیلی صحبت کرده و در رابطه به پلان ها و برنامه های کاری این پوهنتون معلومات ارایه نمود.
قابل ذکر است که در این ورکشاپ دو روزه لایحهٔ نظم و دسپلین و پالیسی آزادی اکادمیک، قانون تحصیلات عالی ملکی، مقررهٔ تنظیم بورس‌های ملکی، رهنمود نگارش منابع درسی، تحریر رسالهٔ علمی- تحقیقی اعضای کادر علمی، مقررهٔ آموزش دورهٔ لیسانس، لایحهٔ سیستم کریدیت و طرزالعمل امتحانات دورهٔ تحصیلی لیسانس از سوی استادان مجرب ارایه گردید .