شیخ زاید پوهنتون د اسلامي ثقافت کادري بستونو لپاره د عربي ژبې ازموینه واخیستل شوه.
د لوړو زده کړو وزارت علمي معین او ورسره مل پلاوي د خوست شیخ زاید پوهنتون کې د اسلامي ثقافت کادري بستونو لپاره د عربي ژبې ازموینې بهیر له نږدې وڅاره.
په همدې تړاو جوړو شویو مراسمو کې، د لوړو زده کړو وزارت د علمي چارو معين ښاغلي دوکتور لطف الله خيرخوا په خپلو خبرو کې وويل:« کوم بستونه چې شیخ زاید پوهنتون ته ورکړل شوي ډېر د اهميت وړ دي، با استعداده او لایق کسان به د پوره شفافې پروسې څخه وروسته په یادو بستونو کې په دندو وګمارل شي.»
همدارنګه د خوست شیخ زاید پوهنتون رئیس انجینر همایون معاویه د ازموینې د شفافیت ډاډ ورکړ او په استادانو یې غږ وکړ، چې په دې برخه کې جدي هڅې وکړي.
د خوست شیخ زاید پوهنتون د مسؤلینو په وینا ، د یادې ازموینې لپاره ۱۲۳ کسانو ثبت نام کړی وو، چې په شرایطو برابر ۹۸ کسانو څخه ازموینه واخیستل شوه، چې له یادې ډلې څخه به ۲۳ کسان جذب او په دندو وګمارل شي.
