د علمی شورا غونډه د لوړو زده کړو وزارت د علمي معین دوکتور لطف الله خیرخواه په مشرۍ جوړه شوه.
چهار شنبه، ۳ حمل ۱۴۰۱
د علمی شورا غونډه د لوړو زده کړو وزارت د علمي معین دوکتور لطف الله خیرخواه په مشرۍ جوړه شوه.
په دې غونډه کې د علمي شورا پخوانۍ پرېکړې وڅېړل شوې، د لوړو زده کړو د يو شمېر خصوصي موسسو د ستونزو، د دولتي پوهنتونونو د يو شمېر استادانو د غوښتنو او د يو شمېر هغو کادري غړو د ستونزو په اړه چې په بېلابېلو هېوادونو کې په زده کړو بوخت دي، بحث ترسره او لازم تصمیمونه ونیول شول.
همدارنګه د علمي معینیت شورا، د خصوصي محصلانو چارو رياست له لوري په خصوصي تحصيلي موسسو کې د استادانو د تقرر او ترفيع په اړه د وړانديز شوې طرحې په اړه هم خبرې وکړې او د دغې لایحې د غني کولو په موخه يې کاري کمېټه جوړه کړه.
د شورا د اجنډا له مخې په معتبرو نړیوالو ژونالونو کې د علمي کادري غړو د علمي مقالو د بیا کتنې او د هغوی د معنوي امتیازاتو د کارولو د څرنګوالي معیارونه هم تر بحث وروسته تصویب شول.
د علمي شورا د اجنډا په بله برخه کې،د نوو علمي کادري غړو د جذب میکانیزم وڅېړل چې په اصولو کې تصویب شو، خو پرېکړه وشوه، چې دغه ميکانيزم دې نور هم تخصصي شي او راتلونکې اونۍ دې د شورا فوق العاده غونډې ته وړاندې کړي.
