په دايکندي لوړو زده کړو موسسه کې درې پرمختيايي پروژې ګټې اخيستنې ته وسپارل شوې.
یادې پروژې چې د لوړو زدهکړو وزارت له بودیجې تمويلېږي، د موټرو تم ځای، د کور جنراتور او د څاڅکو اوبو لګولو سیستم شامل دي، چې د دې ادارې د مشرتابه پلاوي په حضور کې ګټې اخیستنې ته وسپارل شوې.
د دايکندي لوړو زده کړو موسسې رئيس محترم انجنير محمد ناصر حنظله د دغو پروژو د پرانستلو په مراسمو کې وويل: «د دغو درېيو پروژو کار د بیړنۍ اړتیا له امله څو مياشتې مخکې د يو ميليون او درې سوه زره افغانيو په لګښت پيل شوى و، چې له بشپړېدو وروسته نن ګټې اخیستنې ته وسپارل شو.»
هغه زياته کړه، چې له يادو پروژو څخه په ګټې اخيستنې سره لازمې اسانتياوې چمتو شوې، چې د دغه بنسټ د شتمنيو په ساتنه کې مهم بلل کېږي.
