د لوړو زده کړو وزارت مرکز، مرکزي او ولایتي تحصیلي بنسټونو خالي اداري بستونو لپاره له سلو تنو نوماندانو څخه د ازادې سیالۍ له لارې ازموینه واخیستل شوه. 

یاده ازموینه کار اهل کار ته د سپارلو په موخه، د لوړو زده کړو وزارت بشري سرچینو ریاست له لوري واخیستل شوه، چې د هېواد له هر ګوټ څخه پکې نوماندانو ګډون کړی و.
د لوړو زده کړو وزارت بشري سرچینو او اطلاعاتو، نشراتو او عامه اړیکو رئیس صاحبانو له یادې ازموینې څخه څارنه کوله، چې ګډونوالو ته یې د ازموینې پروسې په اړه د معلوماتو تر څنګ، هغوی ته د روڼتیا په اړه ډاډ ورکړ. 
د یادونې وړ ده چې مخکې تر دې هم لوړو زده کړو وزارت د مرکزي ادارو او دویمي واحدونو د خالي اداري بستونو لپاره له شاوخواه ۱۲زره داوطلبانو څخه د ازادې سیالۍ له لارې ازموینه اخیستې او خالي بستونو ته یې معرفي کړي دي.

نېټه: پنجشنبه

 مورخ: ۴/۹/۱۴۴۵ هـ ق ۲۴/۱۲/۱۴۰۲ هـ ش ۱۴/۳/۲۰۲۴ م