داوطلبۍ ته د بلنې خبرتیا !

عنوان: د ۱۴۰۲ کال لپاره د عبدالله بن مسعود (رض) جامعې ليليې د اړتیا وړ مايع ګازو تهيه او تدارک پروژه
داوطلبۍ ته د بلنې شمېره: MOHE/1402/G-006
د لوړو زده کړو وزارت په شرایطو برابرو ټولو داوطلبانو ته بلنه ورکوي، چې د ۱۴۰۲ کال لپاره د عبدالله بن مسعود (رض) جامعې ليليې د اړتیا وړ مايع ګازو تهيه او تدارک پروژې په پروسه کې ګډون کړی وو او اړونده چاپ شوې شرطنامې یو کاپي يې په وړیا ډول په میموري یا فلش کې د لوړو زده کړو وزارت د تدارکاتو ریاست څخه ترلاسه کړي اوسې. 
خپل افر د شرطنامې اصولو مطابق او د تدارکاتو طرزالعمل سره سم، په یوه سر بند پاکټ کې د اعلان د نشر له نیټې څخه د ۱۴۰۲هـ ش کال د وري(حمل) مياشتې ۳۰مې نېټې، د چهارشنبې ورځې د سهار تر (  ۰۰: ۱۱) بجو پورې د لوړو زده کړو وزارت د تدارکاتو ریاست ته، چې د افغانستان، کابل، درېيمه ناحيه په څلورمه کارته کې موقعیت لري، سپارلی شي. ناوخته او د انټرنیټ له لارې رارسېدونکې غوښتنې نه منل کېږي.
د افر تضمین د بانکي ګرنټۍ او یا نغدو پيسو (38,000 ) اته ديرش زره افغانیو په اندازه وړاندې کېږي.
د افر خلاصولو غونډه به د ۱۴۰۲ هـ ش کال د حمل ۳۰مه نېټه د چهارشنبې په ورځ سهار په يولسو بجو د لوړو زده کړو وزارت د تدارکاتو ریاست د آفرونو د خلاصولو په صالون کې، چې د افغانستان، کابل درېيمه ناحيه په څلورمه کارته کې موقعیت لري، دايرېږي.
.
د اړېکو شمېره: 0202514078
برېښناليک پته: rohullah.mowahid2021@gmail.com
یادونه ! له افر خلاصولو مخکې غوڼده به د ۱۴۰۲ کال د حمل میاشتي په ۲۱مه نېټه دوشنبې په ورځ سهار لس بجې د تدارکاتو ریاست د غونډو په دفتر کې دايرېږي.