د لوړو زده کړو سرپرست وزیر د خصوصي تحصیلي نهادونو له مسؤلینو سره، د همغږۍ او د هغوی د ستونزو حل په موخه ناسته وکړه
د لوړو زده کړو سرپرست وزیر محترم شیخ الحدیث مولوي نداء محمد ندیم د دغه وزارت د ناستو په تالار کې، په داسې حال کې چې د دغه وزارت علمي معین شیخ ضیاء الرحمن الاریوبي او د مرکزي ادارو یو شمېر رئیسانو هم حضور درلود، د خصوصي تحصیلي نهادونو استازو ستونزې او وړاندیزونه واورېدل او د ستونزو د حل ډاډ یې ورکړ.
د لوړو زده کړو سرپرست وزیر په یاده ناسته کې د خصوصي تحصیلي نهادونو استازو ته ډاډ ورکړ، چې دغه وزارت په هر اړخیز ډول د یادو نهادونو ملاتړ کوي او د علمي ځواکمنتیا په برخه کې به لازمې اسانتیاوې ورته برابروي.
د یادونې وړ ده چې د ناستې په پای کې د خصوصي تحصیلي نهادونو د ستونزو په نښه کولو او حل لپاره دوه اړخیزه کمېټه وټاکل شوه.
نېټه: شنبه
۱۴۴۶ هـ.ق، د شعبان المعظم ۲۳مه
۱۴۰۳هـ.ش، د کب ۴مه
۲۰۲۵م، د فبروري ۲۲مه
