د لوړو زده کړو وزارت کارمندانو ته د اداري اصلاحاتو او ملکي خدمتونو ادارې لخوا د کلنۍ ارزونې د څرنګوالي په اړه د دغه وزارت د ناستو په تالار کې درې ورځنۍ ورکشاپ پیل شو.
![rtsdsds](/sites/default/files/2023-03/whatsapp_image_2023-03-20_at_12.37.18_pm_0.jpeg)
د یاد سمینار په پرانیستغونډه کې د لوړو زده کړو وزارت اداري او مالي معین مولوي حافظ محمد حامد حسیب د علم پر ارزښت خبرې وکړې او وویل چې د ژوند هر پړاو د زده کړې لپاره دی او همدارنګه يې له کارمندانو څخه وغوښتل چې یاد ورکشاپ فرصت وګڼي او باید اعظمي ګټه ترې واخیستل شي.
وروسته د اداري اصلاحاتو او ملکي خدمتونو ادارې حقوقي مرستیال ویس الدین ویس د سمینار پر جوړښت او موضوعاتو خبرې وکړي هغه وویل چې په دې ورکشاپ کې د کارمندانو د دندو پر لایحو، صلاحیتونو، مسؤلیتونو، کلنی راپور، پلان او کلنۍ ارزونې په اړه به لکچرونه ورکړل شي. هغه زیاته کړه چې دا لړۍ په نورو وزارتونو کې هم دوام لري.
د یادولو وړ ده چې دغه د کلنۍ ارزونې پر څرنګوالي ورکشاپ به درې ورځې دوام وکړي.