د اسلامي نړیوال پوهنتون د جوړولو د تقنیني سند د جوړېدو کمېټه جوړه شوه
د لوړو زده کړو وزارت روان کال د کب په دویمه د لوړو زده کړو وزارت د علمي معین پوهنمل عبدالتواب بالاکرزي په مشري په افغانستان کې د اسلامي نړیوال پوهنتون رامنځته کولو د تقنیني سند د تدوین کمېټه جوړه کړه او د دغه پوهنتون پر حقوقي مواردو بحث وشو.
په دغه غونډه کې د عدلیې وزارت د قانون جوړونې د چارو انستیتوت مشر قانونوال عبدالمجید غني زاده، د مالیې وزارت د پالیسۍ معینیت ستر سلاکار مسعود هاشمي او د افغانستان د اسلامي جمهوریت د چارو ادارې استازي سید ایمل عباد او نورو ګډونوالو د پوهنتون د حقوقي او علمي بېلابېلو اړخونو خپل نظرونه څرګند کړل او په دې برخه کې یې د هر ډول همکارۍ ډاډ ورکړ.
