د افغانستان د کرنې او ټکنالوژۍ ملي پوهنتون د ودانیو ستونزو تر بحث لاندې ونیول شوه
د افغانستان د کرنې او ټکنالوژۍ ملي پوهنتون د ودانیو ستونزو حل کولو موضوع د لوړو زده کړو وزارت او تخنیکي او مسلکي زده کړو ادارې چارواکو ترمنځ په یوه غونډه کې تر بحث لاندې ونیول شوه.
په دې ناسته کې، دواړو لورو د ګډو همکاریو، تخنیکي او عملي طرحې او د علمي او اکاډمیک کمپلکس ماسټر پلان جوړولو او په پای کې د دوه اړخیزو علمي همکاریو په اړه د یو هوکړه لیک لاسلیک کولو په اړه خبرې وکړې.
د لوړو زده کړو وزارت مالي او اداري معین نور احمد درویش وویل چې د افغانستان د کرنې او ټکنالوژۍ ملي پوهنتون د ودانیو او ځمکې د ستونزو د حل په موخه د دې ځمکو د غصب د مخنیوي لپاره د دواړو لورو تر منځ ګډ او همغږي فعالیتونو ته اړتیا ده.
هغه په یاده برخه کې د ګډ پلاوي پر جوړولو ټینګار وکړ او ویې ویل چې د کمپلکس رامینځته کولو لپاره د ګډو همکارو پلان له بشپړیدو وروسته به دوی د ماسټر پلان او د ګډ هوکړه لیک په لاسلیک کولو کار وکړي.
همدارنګه د تخنیکي او مسلکي زده کړو د اکادمیکو چارو او مالي او اداري معینانو د لوړو زده کړو وزارت له هڅو څخه د یادو ځمکو د ستونزو د حل لپاره مننه وکړه او په ټولو برخو کې په ځانګړي ډول د اکاډمیک کمپلیکس پر جوړولو د دواړو خواو پر ګډې همکاریو ټینګار وکړ.
د یادونې وړ ده چې د افغانستان د کرنې او ټکنالوژۍ علومو ملي پوهنتون په ۱۳۹۲کال کې د کندهار ولایت د ترنګ فارم په ۵ زره جریبه ځمکه کې جوړ شوی دی.
