د دولتي او خصوصي لوړو زده کړو بنسټونو د کانکور آزموینې د اخېستلو پروسې د لا ښه انسجام په موخه ناسته تر سره شوه

Azizorayakhel.admin
سه‌شنبه ۱۳۹۹/۴/۳ - ۹:۳۷
س

د دولتي او خصوصي لوړو زده کړو بنسټونو د کانکور آزموینې د اخېستلو پروسې د لا ښه انسجام په موخه د لوړو زده کړو وزارت د محصلانو چارو مرستیال تر مشرۍ لاندې ناسته تر سره شوه.

په دغه ناسته کې چې د آزموینو د ملي ادارې عمومي رئیس، د خصوصي لوړو زده کړو بنسټونو د اتحادیې رئیس، د دولتي او خصوصي محصلانو چارو او د اکاډمیکو چارو د ارزونې رئیسانو ګډون کړی و، د دولتي او خصوصي لوړو زده کړو بنسټونو د کانکور آزموینې د اخېستلو او د آزموینې د بڼې اړوندو لارو چارو د لا ښه انسجام او لازمو تیاریو په اړه خبرې وشوې.

د لوړو زده کړو د محصلانو چارو مرستیال پوهندوی سید فرهاد شهیدزاده وویل، یو له هغو موضوعاتو څخه چې د کانکور د داوطلبانو له لوري لوړو زده کړو وزارت ته مطرح کیږی، د دولتي او خصوصي لوړو زده کړو بنسټونو د کانکور د آزموینې اخېستلو نېټه ده.

هغه زیاته کړه زموږ ددغې ناستې موخه د کانکور آزموینې لپاره د لازمو تیاریو په موخه پر یو اکشن پلان باندې کار کول، او د داخلي ادارو او نورو اړوندو بنسټونو لپاره د دندو ویشل دي.

د محصلانو چارو مرستیال وویل چې له نیکمرغه خصوصي لوړو زده کړو بنسټونو ته د داخلیدو کانکور پروسې د لا ښه انسجام په موخه، په یو بشپړ طرزالعمل باندې توافق شوی دی چې له دې وروسته به خصوصی پوهنتونونه د کانکور آزموینه له لوړو زده کړو وزارت سره په مشوره او همغږۍ اخلي او دغه پروسه به د آزموینو ملي ادارې له لارې مخته وړل کیږي.

پوهندوی شهیدزاده همدارنګه د خصوصي محصلانو چارو ریاست ته لارښوونه وکړه چې د خصوصي لوړو زده کړو بنسټونو له اتحادیې سره په همغږۍ دې د مجوز لرونکو بنسټونو، پوهنځیو او څانګو لیسټ د آزموینو ملي ادارې په واک کې ورکړي او د خصوصي لوړو زده کړو بنسټونو اتحادیه دې د خصوصي لوړو زده کړو بنسټونو د کانکور پروسې په اړوند خپله د وخت ټاکلو طرحه د لوړو زده کړو وزارت په واک کې ورکړي.

د آزموینو ملي ادارې رئیس پوهاند عبدالقدیر خموش وویل چې یادې ادارې په ټولو اړوندو برخو کې خپلې تیاریانې نیولې دي او د کانکور آزموینې په اخېستلو کې کومه ستونزه نلري.

نوموړي همدارنګه په ډاګه کړه چې په دې اړه یې خپله طرحه د عامې روغتیا وزارت ته د تائید او د روغتیايې سپارښتنو د مراعتولو په نظر کې نیولو سره د کانکور د اجازې اخېستلو په موخه، لیږلې ده، هر کله چې یاده طرحه تائید شوه دغه اداره به په ډېر نږدې وخت کې د دولتي او خصوصي لوړو زده کړو بنسټونو د کانکور آزموینې پروسه پیل کړي.

د یادونې وړ ده چې د دولتي او خصوصي لوړو زده کړو بنسټونو د کانکور آزموینې دقیقه نیټه به د اضطرار کمېټې له تائید وروسته د آزموینو ملي ادارې له لوري اعلان شي.

تازه خبرونه

یکشنبه ۱۳۹۹/۴/۸ - ۹:۳۹
Background image

د کابل پولي تخنیک پوهنتون نوي ټاکل شوي رئیس رسماْ خپله دنده پیل کړه

د کابل پولي تخنیک پوهنتون نوی رئیس د لوړو زده کړو وزارت د محصلانو چارو مرستیال له لوري د دې پوهنتون کارمندانو ته ور معرفي او رسماً یې په دنده پیل وکړ.

د لوړو زده کړو وزارت د محصلانو. . .

یکشنبه ۱۳۹۹/۴/۸ - ۵:۱۶
Background image

پوهنوال لیلما شریفي یما د شهید استاد رباني د ښوونې او روزنې پوهنتون د رئیسې په توګه وټاکل شوه

د میرمن شریفي د معرفي په غونډه کې، د لوړو زده کړو وزارت د محصلانو چارو مرستیال پوهندوی سید فرهاد شهیدزاده، پوهنوال لیلما شریفي ته د هغې د ټاکل کېدو له امله د مبارکۍ په ترڅ کې د لوړو زده. . .

سه‌شنبه ۱۳۹۹/۴/۳ - ۹:۳۷
Background image

د دولتي او خصوصي لوړو زده کړو بنسټونو د کانکور آزموینې د اخېستلو پروسې د لا ښه انسجام په موخه ناسته تر سره شوه

د دولتي او خصوصي لوړو زده کړو بنسټونو د کانکور آزموینې د اخېستلو پروسې د لا ښه انسجام په موخه د لوړو زده کړو وزارت د محصلانو چارو مرستیال تر مشرۍ لاندې ناسته تر سره شوه.

په دغه ناسته. . .

BACK TO NEWS