د رهبري شورا غونډه جوړه شوه

baqir_hiadari
دوشنبه ۱۳۹۸/۹/۱۱ - ۷:۵۶
شورای رهبری وزارت تحصیلات عالی

د لوړو زده کړو سرپرست وزیر په مشرۍ د رهبري شورا غونډه جوړه شوه

د لوړو زده کړو سرپرست وزیر اوعلمي مرستیال پوهنمل عبدالتواب بالاکرزي د غونډې په پېل کې د مرکزي ادارو د رییسانو د کړنو، اجراآتو او فعالیتونو راپور واورېد او بیا يې د غونډې په اجنډا بحث پېل کړ.

په دې ناسته کې د تسوید بورډ د جوړولو پر طرزالعمل، د حقوقي تقنیني سندونو پر تعدیل او بیاکتنه او همدارنګه د لوړو زده کړو وزارت د پالیسیو پر جوړولو، غیردولتي بڼسټونو سره د همکاریو د هوکړه لیکونو پر طرحې، د یو شمیر خصوصي پوهنتونو پر بیاځلي ارزونه او د دولتي پوهنتونو د اداري اجراآتو پر څرنګوالي بحث وشو او په پای کې د غونډې د غړو د رایو په اتفاق لازمې پریکړې وشوې.

په غونډه کې د خصوصي او دولتي پوهنتونو د محصلینو چارو رئیسانو د تحصیلي سندونو د الکټرونیکي سیسټم د مصؤن ساتلو، د چارو د ګړندیتوب او مؤثریت په اړه پرزنټيشن وړاندې کړ او په اړه يې د رهبري شورا د غړو نظرونه واخیستل.

د لوړو زده کړو سرپرست وزیر او علمي مرستیال پوهنمل عبدالتواب بالاکرزي د بیلابیلو مسایلو تر ارزونې وروسته ډاډ ورکړ چې ټولو اداري اړتیاوو ته به رسیدګي وشي او د محصلینو د تحصيلي سندونو د برښنایي سیسټم د مؤثریت او مصؤنیت لپاره به لازم اقدامات پر لاره واچوي.

جلسه شورای رهبری وزارت تحصیلات عالی

د لوړو زده کړو وزیر د کار د پرمختګ او د خدمتونو د ښه چمتو کولو له امله د مننې ترڅنګ، ټولو چارواکو ته لازمې لارښوونې وکړې ترڅو هیوادوالو ته په علمي او اداري برخو کې لا ښه خدمتونه وړاندې کړي.

تازه خبرونه

دوشنبه ۱۳۹۸/۹/۱۸ - ۷:۴
Background image

د لوړو زده کړو وزارت کې د ښځو په وړاندې د تاوتریخوالي د مخنیوي ۱۶ ورځني کمپاین تر سره شو

لوړو زده کړو وزارت کې د ښځو په وړاندې د تاوتریخوالي د مخنیوي ۱۶ ورځني کمپاین په مناسبت « له جنسیتي نابرابریو څخه د یو پاک راتلونکي په لور» د شعار تر سرلیک لاندې ناسته تر سره شوه.

په. . .

دوشنبه ۱۳۹۸/۹/۱۸ - ۷:۱
Background image

د لوړو زده کړو سرپرست وزیر د هلمند ولایت د دولتي او خصوصي لوړو زده کړو بنسټونو له مسوولینو او استادانو سره ولیدل

د لوړو زده کړو سرپرست وزیر پوهنمل عبدالتواب بالا کرزي، هلمند ولایت ته د خپل کاري سفر په دویمه ورځ د یوې ځانګړې ناستې په ترڅ کې د یاد ولایت د دولتي او خصوصي لوړو زده کړو بنسټونو له. . .

شنبه ۱۳۹۸/۹/۱۶ - ۵:۴۹
Background image

د هلمند ولایت د لوړو زده کړو دولتي موسسې کې درې پراختیایي پروژې پرانسیتل شوې

د لوړو زده کړو سرپرست وزیر د ولایتي سفرونو په ترڅ کې دا ځل هلمند ولایت ته ولاړ او د هغه ولایت د لوړو زده کړو دولتي موسسې درې انکشافي پروژې يې افتتاح او د پنځو نورو د بنسټ ډبرې يې کېښودې. . .

BACK TO NEWS