د لوړو زده کړو سرپرست وزير د اهل بيت د لوړو زده کړو موسسې له مشرتابه سره وليدل
که یو پوهنتون او د لوړو زده کړو موسسه له ځانه تازه علمي څیړنې پرځای پرېنږدي، د سواد زده کړو د ځای څخه به بل څه نه وي.
دغه مطلب د لوړو زده کړو وزارت نوماند سرپرست وزیر ډاکټر عباس بصیر د" اهل بیت د لوړو زده کړو خصوصي عالي موسسې "د یو پلاوي سره د خبرو په ترڅ کې څرګند کړ.
ډاکټر عباس بصیر د لوړو زده کړو د متولیانو مسئولیت مهم وباله او ویې ویل چې د لوړو زده کړو نظام دې یواځې په سواد زده کړه پورې محدود نه وي؛ بلکې د تحقیقاتو په ترسره کولو دې په یو داسې دریځ کې خپل ځای ونیسي، چې د ژوند په بیلابیلو، ټولنیزو، اقتصادي، کرنیزو او چاپېریالي برخو کې د څیړنو پر واسطه د خلکو پر ژوند کې مثبت بدلون راولي.
ډاکټر عباس بصیر د خصوصي لوړو زده کړو موسسو پرمختګ د ځوانانو او ټولنې پرمختګ وباله او ویې ویل: لوړو زده کړو وزارت چمتو دی، څو د دولتي پوهنتونونو د کیفیت د ښه والي ترڅنګ د خصوصي تحصیلي بنسټونوڅخه چې د لوړو زده کړو د بدنې مهمه برخه جوړوي؛ هم خپل جدي ملاتړ وکړي.
وروسته د "اهل بیت د خصوصي عالي موسسې "رئیس ډاکټر سید حبیب الله طاهري؛ د یادې تحصیلي موسسې د پروګرامونو په اړه تفصیلي معلومات ورکړل او د تدریس کیفیت ته په پام يې د دې موسسې د علمي تحقیقاتو رامنځته کول دیادې موسسې کاري لومړیتوب وباله؛ ويې ویل اهل بیت د خصوصي لوړو زده کړوموسسه د حقوقو اوسیاسي علومو، شرعیاتو، قابلګۍ پوهنځي لري؛ چې تر اوسه يې ۱۲ عنوانه تحقیقي کتابونه د چاپ په ګاڼه پسوللي او همداراز د کیفیت د ښه والي په پار د لوړو زده کړو وزارت د پالیسۍ سره سم هڅې کوي.
