د لوړو زده کړو علمي معين د يونسکو د دفتر د ښوونې او روزنې د څانګې له رئيس سره وکتل
د لوړو زده کړو وزارت علمي معین پوهنمل عبدالتواب بالا کرزي د یو نسکو د دفتر د ښوونې او روزنې څانګې د مشر سره په افغانستان کې د یونسکو د ښوونیزپلان د ښه والي لپاره بحث او د نظر تبادله وکړه.
په دغه ناسته کې په داسې حال کې چې د لوړوزده کړو وزارت دعلمي برنامو د انکشاف رئیس پوهنوال صدیق الله بارکزی او د یونسکود دفتر د ښوونې او روزنې د څانګې لوی آمر عبدالحق رؤوف هم حضور درلود، دواړو خواوو په هیواد کې د یونسکو د تعلیمي پلان د ښه والي په خاطر په هېواد کې د یو معتبر پوهنتون په همکارۍ د ښوونې او روزنې په برخه کې د ماسترۍ د نویو برنامو پر ایجاد،د آنلاین زده کړو د برنامې په پیاوړتیا او د نصاب د بیا کتنې په ګډو همکاریو خبرې اترې وکړې.
د لوړو زده کړو وزارت علمي معین د لوړو زده کړود تحصیلي نصاب سره د یونسکو دفترد همکاریو څخه په مننې په ځانګړې توګه د تحصیلي نصاب د بیا کتنې په برخه کې د استادانو د مسلکي ظرفیتونود لوړولو او آنلاین زده کړو په اړه توضیحات ورکړل او د دوام لرونکي ملي انکشاف ( SDG4)لپاره په سند کې د یادو شوو موخو لپاره يې د یونسکو رول مهم وباله. ورووسته د یونسکو د دفترد ښوونې او روزنې د څانګې رئیس انتوني ټم د څلورکلن پلا په اړه چې د یونسکو د دفتر له خوا په افغانستان کې تدوین شوی دی، په اړه يې معلومات ورکړل، د نوي نصاب د تطبیق لپاره يې د اړتیا وړمسلکي کادرونو او د ښوونې او روزنې په برخه کې د یونسکو په همکارۍ د ماسترۍ د برنامو د ایجاد په اړه خبرې وکړې.
د لوړو زده کړو معین پوهنمل عبدالتواب بالا کرزي د یونسکو له همکاریو څخه په مننې او هرکلي د یونسکو د دې ګام په اړه له ښاغلي انتوني ټم څخه وغوښتل چې د معارف لپاره دوی د دفتر تدوین شوی چوکات له دوی سره شریک کړي څو د هغې په رڼا کې د ښوونې او روزنې د پوهنځيو په اړه کار ترسره شي.
د لوړو زده کړو علمي معین د پوهنې سکتور داوسنۍ ستونزې د حل په منظور د شهید استاد رباني د ماسترۍ د ګډې برنامې وړاندیز وکړ او په ضمن کې يې تينګار وکړ چې د دې بر نامې لپاره دې لږ تر لږه د څلورو تنو د کادري غړو د ظرفیت لوړولو سویه له ماسترۍ څخه د دکتورا په کچه چمتو شي څو په راتلونکې کې د برنامې دوامداره کیدل د کیفیت په تامینیدو د هیواد د تقنیني سندونو سره سم تضمین شي.
د یونسکو د دفتر له خوا د لوړو زده کړو وزارت له همکاریو څخه د مننې تر څنګ ژمنه وشوه چې یادې غوښتنې د اړوند مقاماتو سره شریکې کړي او د تطبیق په موخه به يې هڅې وکړي.
