د لوړو زده کړو وزارت د بهرنیو اړېکو او سکالرشیپونو ریاست د نړیوالو او کلتوري اړېکو په برخو کې، د بورسونو تنظیم او مدیریت مختلفو پړاوونو او د کورنیو او بهرنیو علمي بنسټونو سره د لوړو زده کړو وزارت د قوانینو، پالیسیو، مقرراتو او لوایحو سره سم فعالیت کوِي.

د لوړو زده کړو وزارت د بهرنیو اړېکو او سکالرشیپونو ریاست د نړیوالو او کلتوري اړېکو په برخو کې، د بورسونو تنظیم او مدیریت مختلفو پړاوونو او د کورنیو او بهرنیو علمي بنسټونو سره د لوړو زده کړو وزارت د قوانینو، پالیسیو، مقرراتو او لوایحو سره سم فعالیت کوِي.

د ا.ا.ا له بریا څخه تر دامهاله افغان ځوانان په بېلابېلو برخو کې د لوړو زده کړو لپاره بېلابېلو هېوادونو ته استول شوي چې په لاندې ډول دي:

(۲۷) تنه د لیسانس په کچه؛

( ۷۲) تنه د ماسټرۍ په کچه؛

( ۹۱) تنه د دوکتورا په کچه؛

( ۳) تنه د فوق دوکتورا په کچه.

د دغه رياست د معلوماتو له مخې، د هغو محصلينو شمېر چې د لوړو زده کړو وزارت له لارې بېلابېلو هېوادونو ته د لوړو زده کړو لپاره لېږل شوي او اوسمهال په زده کړو بوخت دي، په لاندې ډول دي:

• (۱۳۲۷) تنه د لیسانس په کچه؛

• (۸۳۲) د ماسټرۍ په کچه؛

• د دوکتورا په پروګرام کې (۶۱۶) تنه؛

• د فوق دوکتورا په پروګرام کې (۴) تنه؛

په بهر کې د افغان محصلینو د معاش په اړه باید وویل شي چې؛ دا یو کمکي معاش دی چي د بهرنیو چارو وزارت له بودیجي هغو زده کړیالانو ته چې د لوړو زده کړو وزارت له لارې په ۱۵ مشخص شوو هېوادونو کې وي، ورکول کېږي.

میکانیزم یې داسې دی چې د هر مالي کال په پیل کې د بهرنیو چارو وزارت د تحصیلي بودیجې د ترلاسه کولو په موخه د لوړو زده کړو له وزارت څخه د محصلینو د لیست غوښتنه کوي چې د هغه لیست پر بنسټ بودیجه ترلاسه کوي.

- سږ کال تر اوسه د بهرنیو چارو وزارت د معاشونو د مرستې په ګډون د محصلینو د نوملړ غوښتنه نه ده کړې، که غوښتنه وشي، د محصلینو لیست به واستول شي.

د لوړو زده کړو وزارت د کاري لومړیتوبونو په پام کې نیولو سره د بهرنیو اړېکو او تحصیلي بورسونو ریاست لاندې پلانونه نظر کې لري:

- د دولتي پوهنتونونو د اکاډمیکو کارکوونکو د (۱۰۰) غړو د رتبې لوړول له ماسټرۍ څخه دوکتورا ته.

- د دولتي پوهنتونونو د اکاډمیکو کارکوونکو د (۵۰) غړو د لیسانس څخه د ماسټرۍ درجې ته لوړول.

- د خصوصي پوهنتونونو د علمي کادرونو د (۱۰) غړو د رتبې لوړول له ماسټرۍ څخه دوکتورا ته.

- د خصوصي پوهنتونونو د اکاډمیکو کارکوونکو د (۱۰) غړو د لیسانس څخه د ماسټرۍ درجې ته لوړول.

-د دوکتورا بورسونو ته د (۲۰) دولتي کارکوونکو او وړ اشخاصو معرفي کول او لیږل.

-د ماسټرۍ دورې بورسونو ته د (۱۲۰) دولتي کارکوونکو او وړ کسانو معرفي او استول.

- په راتلونکو پنځو کلونو کې د هېواد په مهمو پوهنتونونو کې د ماسټرۍ د پروګرامونو د رامنځته کولو په موخه د (حکومت په لګښت) د (۱۰۰) اکاډمیکو کارکوونکو د تحصیلي درجې له ماسټرۍ څخه دوکتورا ته لوړول.

-د زده کړې لګښتونو په برخه کې، اوس مهال (۲۱۱) تنه زده کړیالان د حکومت په لګښټ په ایران، ازبکستان او مالیزیا هېوادونو کې په زده کړو بوخت دي.

- د (ٔډله ایز او ازاد) لیسانس تحصیلي بورسونو ته د (۲۰۰) محصلینو معرفي کول او لیږل.

-په سیمینارونو، نړیوالو کنفرانسونو او بهرنیو سفرونو کې د دولتي لوړو زده کړو موسسو د اکاډمیکو کارکوونکو د (۳۰۰) غړو د ګډون لپاره د لازمو اسانتیاوو برابرول.

- د لوړو زده کړو وزارت او د دولتي لوړو زده کړو موسسو (۵۰) کارکوونکو ته په لنډ مهاله علمي پروګرامونو او بهرنیو سفرونو کې د ګډون لپاره د لازمو اسانتیاوو برابرول.

- د (۱۰۰) بهرنیو اتباعو لپاره د ویزو د صادرولو او تمدید لپاره د زمینې برابرول ترڅو علمي او څېړنیزو پروګرامونو ته بلنه ورکړل شي.

- په ملي او نړیوالو کنفرانسونو کې د خصوصي لوړو زده کړو موسسو د اکاډمیکو کارکوونکو د (۲۰۰) غړو ګډون.

-د (۶۰) بېلابېلو تړونونو، تفاهمنامو، قراردادونو او علمي کارونو د پړاوونو طی مراحل ترسره او تعقیبول.