د لوړو زده کړو وزارت د علمي او محصلانو چارو معینیتونو د ګډې شورا فوق العاده غونډه جوړه شوه.
۱۴۴۳/۹/۴
د لوړو زده کړو وزارت د علمي او محصلانو چارو معینیتونو د ګډې شورا فوق العاده غونډه جوړه شوه.
په دې غونډه کې د لوړو زده کړو وزارت علمي معین دوکتور لطف الله خيرخواه، د خصوصي محصلانو چارو رييس انجنير سيد اسماعيل روحاني، د لوړو زده کړو وزارت سلاکارانو او د وزارت د مرکزي ادارو يو شمېر رئيسانو ګډون درلود.
د دې فوق العاده غونډې د اجنډا له مخې، د خصوصي سکتور د فوق لېسانس په برخو کې د ستونزو، د لېسانس او فوق لېسانس محصلینو لپاره د لا زیاتو اسانتیاوو رامنځته کولو او هغه محصلین چې خپلې زده کړې یې پر وخت نه وي بشپړې کړې، بحث او لازم تصمیمونه ونیول شول.
د دغې ګډې شورا غړو دغه راز د هغو زده محصلینو ستونزې چې تحصيلي اسناد يې پروسس یا طی مراحل شوي نه دي په ګوته کړل او ټينګار يې وکړ چې د محصلینو لپاره بايد لا زياتې اسانتياوې برابرې شي.
