د لوړو زده کړو وزارت د قران عظيم الشان د ختم تر څنګ، د کابل پوهنتون د ترورېستي پېښې شهيدانو ته دعا وکړه
د لوړو زده کړو وزارت رهبري ډلې او کارکوونکو نن د سپېڅلي کتاب قران کريم د ختم تر څنګ د کابل پوهنتون د لړم د ۱۲مې نېټې د تروريستي پېښې د شهیدانو روح ته دعا وکړه.
په دې مراسمو کې د لوړو زده کړو وزارت نوماند سرپرست وزير عباس بصير، معينانو، د دې وزارت رييسانو او د کابل پوهنتون رييس هم حضور درلود.
ګډون کوونکو د کابل پوهنتون د ترورېستي پېښې د شهيدانو اروا ته د دعا تر څنګ له لوی خدای ج څخه د دې پېښې ټپيانو ته د بشپړې روغتیا او د قربانیانو او لوړو زده کړو وزارت کورنۍ ته يې د صبر او استقامت غوښتنه وکړه.
