د لوړو زده کړو وزارت سرپرست وزير په کندهار کې د اناستو پوهنتون څخه لېدنه وکړه.
۱۴۰۰ کب ۷ شنبه
د لوړو زده کړو وزارت سرپرست وزير په کندهار کې د اناستو پوهنتون څخه لېدنه وکړه.
د لوړو زده کړو سرپرست وزير مولوي عبدالباقي حقاني په داسې حال کې چې د کندهار ولايت لپاره د لوړو زده کړو وزارت فوق العاده استازي انجنير محمد ناصر نېکزاد يې ملتيا کوله د افغانستان د کرنيزو علومو او ټکنالوژۍ ملي پوهنتون (اناستو) څخه لېدنه وکړه.
په دې لېدنه کې د لوړو زده کړو سرپرست وزير مولوي عبدالباقي حقاني د زراعت او مالدارۍ سکتور پر پياوړتيا او د هېواد په کچه يې پر اقتصادي وضعیت د مثبت اغېز اړوند خبرې وکړې او د اناستو پوهنتون اهميت ته په اشارې یې د ددغه پوهنتون سره د لوړو زده کړو وزارت له خوا د هر ډول همکارۍ ډاډ څرګند کړ.
د یادې ليدنې په ترڅ کي د وترنرۍ پوهنځي رئيس پوهنيار صفي الله جوهر ته چې په ماليزيا هېواد کې يې د UPM په پوهنتون کي د ماسټرۍ برنامې د غوره محصل ستاينليک ترلاسه کړى و، د لوړو زده کړووزارت سرپرست وزير له خوا يې د هڅو ستاينه او د لا تشويق په موخه یې ښاغلي جوهر ته نغدي ډالۍ ورکړه.
