د لوړو زده کړو وزارت مالي او اداري معین د دیني علماء کرامو کلنۍ ازموینو د بهیر څخه د څارنې او کتنې په لړ کې نن د کندهار ولایت ديني مدرسو له ازموینې څخه لیدنه او څارنه وکړه.
د لوړو زده کړو وزارت مالي او اداري معین مولوي حافظ محمد حامد حسیب، د یادو ازموینو بهیر د څارنې او کتنې ترڅنګ، په جهادي مدرسه، احمد شاه بابا لېسه او د کندهار ولایت تجربوي لېسه کې د ازموينې پروسې او نورو اړونده موضوعاتو په اړه معلومات وړاندې کړل.
نوموړي همداراز د ممتحنو علماء کرامو څخه وغوښتل چې په دقت او پوره نظم سره د ازموينې پروسه مديريت کړي او ازموينې ګډونوالو سره د ستونزو په حل کې په ورين تندي مرسته وکړي.
د یادونې وړ ده، چې په دې ازموينو کې د هېواد ديني مدرسو عالميې، عاليې او خامسې دورو طلباء کرامو او فاضلانو ګډون کړی، چې د ازموينې پروسه يې د جدي میاشتې په ۳۰مه نېټه پيل او د دلوې مياشتې تر ۵مې نېټې پوري به دوام وکړي.
