د لوړو زده کړو وزارت مالي او اداري معین مولوي حافظ محمد حامد حسیب د دغه وزارت د معلوماتي ټکنالوژۍ له رئیس او کارکوونکو سره د لیدنې پر مهال، د هغوی د فعالیتونو راپور واورېد او د غوره خدمتونو د وړاندې کولو په موخه یې لازمې سپارښتنې ورته وکړې.
۱۴۴۳/۹/۷
۱۴۰۱/۱/۲۰
د لوړو زده کړو وزارت مالي او اداري معین مولوي حافظ محمد حامد حسیب د دغه وزارت د معلوماتي ټکنالوژۍ له رئیس او کارکوونکو سره د لیدنې پر مهال، د هغوی د فعالیتونو راپور واورېد او د غوره خدمتونو د وړاندې کولو په موخه یې لازمې سپارښتنې ورته وکړې.
په دغه ناسته کې، چې د قرانکریم په مبارکو ایاتونو سره پیل شوه، د لوړو زده کړو وزارت مالي او اداري معین د کارونو د بریا رمز په ښه نیت او صادقانه کار کې وباله.
وروسته د لوړو زده کړو وزارت د معلوماتي ټکنالوژۍ رئیس د یاد ریاست د معرفي کولو تر څنګ، د کار د بڼې، لاسته راوړنو، راتلونکو پروګرامونو، ستونزو او حلارو په اړه معلومات وړاندې کړل.
د لوړو زده کړو وزارت مالي او اداري معین مولوي حافظ محمد حامد حسیب د معلوماتي ټکنالوژۍ ریاست د فعالیتونو او لاسته راوړنو د راپور له اورېدو وروسته، د یاد ریاست د کړنو ستاینه وکړه، د انټرنېټي پروژو پر کیفیت، په لوړو زده کړو وزارت پورې اړوندو سایټونو او اېمېلونو د څارنې او پوره امنیت په اړه خبرې وکړې او د ټکنالوژۍ د ځواکمنتیا لپاره یې د هر ډول همکارۍ ژمنه ورسره وکړه.
یاده ناسته د لوړو زده کړو د چارو ځواکمنتیا او دایمي ثبات لپاره، د خیر په دعاء سره پای ته ورسېده.
