د لوړو زده کړو وزارت معلوماتي ټکنالوژۍ ریاست له لوري د دغه وزارت مرکزي ادارو یو شمېر رئیسانو ته د برېښنایي لېږد رالېږ سیسټم په اړه ورکشاپ ورکړل شو.
د لوړو زده کړو وزارت د معلوماتي ټکنالوژۍ ریاست له لوري د یوې ناستې په ترڅ کې، چې مشرۍ یې د دغه وزارت مالي او اداري معین مولوي حافظ محمد حامد حسیب کوله، د مرکزي ادارو یو شمېر رئیسانو ته په برېښنایي توګه د سیسټم له لارې د مکتوبونو، استعلامونو او وړاندیزونو د لېږد رالېږد، کړنو او څارنې په اړه معلومات ورکړل شول.
د لوړو زده کړو وزارت د معلوماتي ټکنالوژۍ رئیس انجنیر احمد ضیاء جبارخېل په وینا، د یاد سیسټم له لارې د وزارت مرکزي ادارو او دویمي واحدونو تر منځ د مکتوبونو، استعلامونو او وړاندیزونو په لېږد رالېږد، کړنو او څارنه کې ډېره چټکتیا او اسانتیا رامنځ ته کېږي.
د یادونې وړ ده چې دغه سیسټم د معلوماتي ټکنالوژۍ ریاست جوړ کړی، چې د کارمندانو تر پوهاوي وروسته به د وزارت اړوند ټولو ادارو کې تطبیق شي.
