د لوړو زده کړو وزیر د اېران له سفیر سره وکتل
د لوړو زده کړو وزیر عباس بصیر په کابل کې د اېران له سفیر سره؛ د افغانستان د لوړو زده کړو په برخه کې د دې هيواد د همکاریو په اړه خبرې وکړې.
د دې بحث اصلي موضوع د استادانو او محصلانو لپاره د هغه هېواد د شاوخوا 600 تحصیلي بورسونو، د کابل په پوهنتون کې د دري ادبیاتو د څانګې او څیړنیز مرکز د تعمیرجوړول، د افغانستان له پوهنتونونو سره د هغوی د اړتیا وړ کتابونو مرسته، په افغانستان کې د کیفیت د تضمین او اعتبار ورکولو په بهير کې د ایراني پوهنتونونو د استازوليو شمولیت او د یادو استازوليو لپاره د تعمیرونو جوړول، د اړتیاوو سره سم په پوهنتونو کې د باکیفیته معیاري ډیجیټلي کتابتونو د ایجاد او د افغانستان په پوهنتونونو کې د لابراتوارونو پر تجهیز او سمبالتیا؛ چې د ایران له خوا رغول کیږي؛ خبرې وشوې.
د لوړو زده کړو وزیر ډاکټر عباس د ایران له همکاریو مننه او د دواړو هيوادونو د اکاډمیکو اړیکو د لاټینګښت غوښتنه وکړه.
