د لوړو زده کړو وزیر د دايکنډي ولايت له والي سره وکتل
د لوړو زده کړو وزیر ډاکتر عباس بصیر، د ډایکندي له والي، د یاد ولایت د ولایتي شورا له وکیلانو، د ډایکنډي د لوړو زده کړو موسسې له رئیس، استادانو او د دې ولایت له یو شمیر مسئولانو سره وکتل.
په پيل کې د ډایکنډي والي او د ولایتي شورا رئیس د ډایکنډي د ولایت د ستونزو او اړتیاوو په اړه خبرې وکړې، د لوړو زده کړو له وزارت يې وغوښتل چې دغه وروسته پاتې محروم ولایت ته پاملرنه وکړي.
وروسته د ډایکنډي د لوړو زده کړو موسسې رئیس پوهنیارسید انور سیرت د یادې موسسې د اړتیاوواو انکشافي پروګرامونو په اړه معلومات وړاندې کړل او ویې ویل، د ډایکنډي د لوړو زده کړو موسسه د تحصیلي چارو د ښه پرمخ وړلو په پار ځينې اړتیاوې لري چې د دې بنسټ کادري، اداري او خدماتي بستونوزیاتول، د نویو تحصیلي څانګو زیاتونه، د کتابتون رامنځته کول،د نارینه وو د لیلیې جوړول او د ښځینه و دلیليې د تدارکاتي چارو د پروسې چټکتیا،د اوبو رسولو د شبکو، برښنا او د دې موسسې د احاطوي دیوال جوړول د یادې تحصیلي موسسې مهمې اړتیاوې وبللې. ورپسې د لوړو زده کړو وزیر ډاکتر عباس بصیر؛ د یادو وړاندیزونو او غوښتنو له آوریدو وروسته، د لوړو زده کړووزارت د لومړیتوبونو اوکاري پروګرامونو په اړه معلومات ورکړل.
هغه وویل: د کیفیت بحث او د تدریس محتوا ته پاملرنه،شاګرد محوري او علمي څيړنې، د لوړو زده کړو وزارت د نظام کاريتوب او د ټولنې په پرمختګ کې د هغې رول او کادري اشخاصو د روزنې اوعلمي تولیداتو له لارې د کار د مارکیټ د اړتیاوو لیرې کول، د ټولو ادارو سره د نږدې همکارۍ؛ د لوړو زده کړو وزارت د بنسټيزو برنامو څځه دي چې دغه وزارت جدي پاملرنه ورته لري.
هغه زیاته کړه لوړو زده کړو وزارت په پام کې لري چې د زده کړې کولو پروسه د څيړنو کولو پروسې ته واړوي او تر هغه چې موږله دې حالت څخه ونه وزو،کوم ځای ته نشو رسیدای.
ډاکتر عباس بصیر د ډایکندي د لوړو زده کړو موسسې د غوښتننو او اړتیاوو په برخه کې څرګنده کړه چې لوړو زده کړو وزارت به پخپلو پرمختیايي پروګرامونوکې ورته رسیدنه وکړي او د همکارۍ ژمنه يې ورکړه.
د یادونې ده چې د ډایکنډي د لوړو زده کړو موسسه په ۱۳۹۳ کال کې تاسیس شوې ده او دا مهال ۳۲۱ استادان، ۳ پوهنځي او ۱۱۰۷ نارینه اوښځينه محصلان لري چې له ۵۰ سلنه زیاته برخه يې اناث تشکیلوي.
