د لوړو زه کړو د محصلانو سرپرست معین سید اسماعیل روحاني په سرپرستۍ د لوړو زده کړو، عامې روغتیا، مهاجرینو او بېرته راستنېدونکو چارو وزارتونو ګډ پلاوي ته، په تورخم کې د الخدمت او پیما بنسټونو له لوري ۲۷ لارۍ د بېلابېلو توکو تسليم شول.
شنبه، ۱۱ مرغومی ۱۴۰۰
د لوړو زه کړو د محصلانو سرپرست معین سید اسماعیل روحاني په سرپرستۍ د لوړو زده کړو، عامې روغتیا، مهاجرینو او بېرته راستنېدونکو چارو وزارتونو ګډ پلاوي ته، په تورخم کې د الخدمت او پیما بنسټونو له لوري ۲۷ لارۍ د بېلابېلو توکو تسليم شول.
دا مرسته چې د الخدمت او پیما خیریه بنسټونو له لوري هېواد ته را انتقال شوې، په کې لس لارۍ دوا، اته لارۍ خوراکي توکي، دوه لارۍ کمپلې او اووه لارۍ لباسونه شامل دي.
د دغو مرستو د ترلاسه کولو مراسمو کې د لوړو زده کړو وزارت د محصلانو چارو سرپرست معين انجنر سيد اسماعيل روحاني او د یاد وزارت تضمين کيفيت سرپرست رئیس شاکرالله وحيدي، د روغتیا وزارت مقام د دفتر رئیس مولوي محمد داؤد منصوري، د کډوالو او بېرته راستنېدونکو چارو وزارت د داخلي بې ځایه شوو کډوالو رئیس مولوي سردار شېرزاد ګډون کړی وو.
په یادو مراسمو کې د لوړو زده کړو د محصلانو چارو سرپرست معين انجنر سيد اسماعيل روحاني، د الخدمت او پیما خیریه بنسټونو له لورې د مرستو مننه وکړه او د وزارت اړوند روغتونونو سره یې د نورو مرستو غوښتنه وکړه.
بل لور ته د الخدمت خیریه بنسټ مشر خالد وقاص وویل، مونږ به د انساني او اسلامي همدردۍ له مخې دا مرستې دوامداره ساتو.
د یادونې وړ ده چې څه موده وړاندې د لوړو زده کړو سرپرست وزیر مولوي عبدالباقي حقاني پاکستان ته په یو رسمي سفر تللی و، چې نننۍ مرسته هم د همغه سفر له لاسته راوړنو یوه برخه ده.
