د پروان پوهنتون د فعاليتونو کلنۍ ارزونه د کيفيت د تضمين او اعتبار ورکوونې د درېيم پړاو لپاره پيل شوه
د پروان پوهنتون د کيفيت لوړونې او اعتبار ورکوونې کمېټې د سلواغې په (۱۸)نېټه د پوهنځيو حضوري ارزونه پيل کړې ،چې نن دوشنبه دکب له (۴)نېټې سره سمون خوري ،د پوهنځيو د ارزونې په لړ کې د ژورناليزم پوهنځی د ورکړل شوي چيک ليست له مخې وارزول شو.
د پروان پوهنتون علمي چارو معاون پوهندوی ډاکټر سيد مبين هاشمي د لوړو زدکړو په بنسټونو کې د کيفيت لوړونې او اعتبار ورکونې لړۍ، يوه ملي، ارزښتناکه، بريالۍ او ګټوره پروسه ووبلله او زياته يې کړه "د لوړو زده کړو په بنسټونو کې د کيفيت لوړونې او اعتبار ورکونې لړۍ د تدريس په ښه والي، د استادانو د علمي اثارو په توليد، د څيړنې د فرهنګ په رامنځته کيدلو، د معياري زده کړو په وړاندې کولو او د زده کړيزو بنسټونو په پيدايښت او اسانتياوو کې ګټوره ثابته شوې ده."
د پروان پوهنتون د علمي چارو معاون د دې پروسې موخه د تضمين کیفیت په لوړونه کې بنسټيزه وبلله او زياته يې کړه، چې پروان پوهنتون د اعتبار ورکونې لومړی او دوهم پړاو په برياليتوب سره، سرته ورسو او دغه لړۍ به د پروان پوهنتون په درېيم پړاو کې مرسته وکړي .
د پروان پوهنتون د ژورناليزم پوهنځي رييس پوهنیار عزیز احمد سعیدي د کلنۍ ارزونې نه د خوښښۍ ښودلو تر څنګ د دې پوهنځي د فعاليتونو کلنی ګزارش په لنډ ډول د ارزونې هيئت ته وړاندې او ورپسې د ژورناليزم پوهنځي د ټولو برخو (د پوهنځي رياست او معاونيت، د پوهنځي څانګې، د پوهنځي کميټې، تدريسي مديريت او ...) کړنې د ورکړل شوي چک ليست له مخې و ارزول شوې.
د يادونې وړ ده چې د په (۱۳۹۹ه.ش)کال د ژورناليزم د پوهنځي د رهبرۍ او د پوهنتون د علمي معاونيت په هڅو په کابل کې د ترکې د تيکا دفتر په مرسته په ټولو امکاناتو سمبال د راډيو يوه سټوډيو او د انځورونو يو لابراتوار، جوړ او په نږدې راتلونکي کې به پرانستل شي .
