د کمال خان بند پرانیستنې په وياړ علمي سمينار او مناظره ترسره شوه
په افغانستان کې د کرنيزو علومو او ټکنالوژۍ ملي پوهنتون کې د کمال خان بند د پرانیستنې په وياړ (زموږ اوبه زموږ ابرو ده) تر شعار لاندې علمي سمينار او مناظره ترسره شوه.
په دغه غونډه کې د پوهنتون رهبرۍ، استادانو، کارمندانو او محصلینو ګډون کړى وو.
په پيل کې د دغه پوهنتون سرپرست پوهنمل احمد فواد احساس پرانيستونکې وينا وکړه او تر څنګ يې د کمال خان بند پر اقتصادي او چاپيريالي اغيزو پريزنټېشن وړاندي کړ.
وروسته د پوهاند شاه محمود بري لخوا پر کرنه او د کمال خان بند د ارزښت په اړه پرېزنټېشن وړاندي شو.
د علمي سمينار په جريان کې پوهنمل سورګل اعظيمي د کمال خان بند پر اقتصادي ارزښت خبرې وکړې.
همدارنګه د پروګرام په جريان کې پوهندوى نصير احمد نصرت د کمال خان بند د کرنیز او اقتصادي ارزښت په اړه پرېزنټېشن وړاندي کړ.
د پروګرام په پاى کې علمي مناظره تر سره شوه او د ګډونوالو پوښتنو ته ځوابونه وویل شول.
