په کابل پوهنتون کې د روژې مبارکې میاشتې وروستۍ لسیزه او د قرانکریم نازلېدل ونمانځل شول

baqir_admin
پنجشنبه ۱۴۰۰/۲/۱۶ - ۸:۱
g

"قرآن د سولې، عدالت او ورورولۍ د ټینګښت لپاره ښکاره دستورونه لري، د علم او پوهې عامولو او همدارنګه د انسان د نېکمرغۍ  لپاره هدایت او عالي پيغام دی."

دغه ټکي په کابل پوهنتون کې د قرآن نازلېدو د جشن نمانځلو کې د ویناوالو له لوري څرګند شول.

په دغه محفل کې د لوړو زده کړو وزیر دوکتور عباس بصیر، د کابل پوهنتون رییس محمد عثمان بابري، په دیني چارو کې د ولسمشر سلاکار عنایت الله بلیغ، د کابل پوهنتون شرعیاتو پوهنځي رییس پوهنمل حفیظ الله حفیظ، د لوړو زده کړو وزارت ویاند او اطلاعاتو، نشراتو او عامه اړیکو رییس پوهنیار حامد عبیدي، ځینو علماوو، استادانو او د دغه پوهنتون ځینو زدکړیالانو ګډون کړی وو.

دوکتور عباس بصیر د روژې مبارکې میاشتې او د قرآن عظیم الشان د نازلېدو فضایلو ته اشاره وکړه او ویې ویل، چې دغه کتاب یو علمي اثر او د فلسفې، ښوونې او قانون په برخه کې ستره الهام  بښونکې سرچینه ده، چې موږ ته د حق، یووالي، ورورولۍ، سولې او پخلاینې، زغم او د یو بل منل را زده کوي.

د لوړو زده کړو وزیر زیاته کړه، چې په ټولنه کې د قرانکریم، پوهنتونونو او علمي مرکزونو یو اساسي مسوولیت دا دی چې په ټولنه کې د زدکړیالانو له لارې سوله، ورورولي او برابري ټینګه کړي او باید پوهنتونونه د کرکې، نفاق او قومي او مذهي دښمنیو پر ځای د ورورولۍ او صمیمیت فضا رامنځته کړي.

همدارنګه عباس بصیر د زدکړیالانو تر منځ د زغم او ورورولۍ کلتور په عامولو کې د استادانو رول ارزښتناک وباله او ویې ویل، چې هڅه کوي ترڅو د زدکړیالانو له لارې په ټولنه کې د تحصیلي نظام رول پیاوړی کړي.

د کابل پوهنتون رییس پوهاند دوکتور محمد عثمان بابري د قرانکریم د نزول اوونۍ نمانځل یو ښه ګام وباله او د روژې مبارکه میاشت یې د ځان او خدای پېژندنې او په بشري ټولنه کې د یووالي میاشت یاده کړه.

د کابل پوهنتون شرعیاتو پوهنځي رییس پوهنمل حفیظ الله حفیظ، د قرانکریم او د هغه د نزول لسیزې د فضیلت په اړه خبرې وکړې او ویې ویل چې روژه د نفس د محاسبې، ځان جوړونې، زغم او الهي تقوا ته د رسېدو لپاره یو ښه چانس دی.

په دینې چارو کې د ولسمشر سلاکار پوهنمل عنایت الله بلیغ د قرآن کریم د نزول او په بشري ټولنه کې د هغه د نېکمرغۍ پر رول وینا وکړه. هغه زیاته کړه، روژه موږ ته د برابرۍ او ورورولۍ درس راکوي او همدارنګه جهل او تعصب د ټولنې د تباهۍ او د اسلامي او انساني ارزښتونو خلاف کار دی.

محفل د پوهندوی دوکتور محمد معروف حنیف له لوري په روژه ماتي، د پرمختګ، علمي پراختیا او په ټول هېواد کې د سولې د ټینګښت په دعا سره پای ته ورسېد.

تازه خبرونه

شنبه ۱۴۰۰/۳/۲۲ - ۱۱:۲۲
Background image

د چاپېریال ساتنې نړیواله اوونۍ په شېخ زاید پوهنتون کې ونمانځل شوه

شېخ زاید پوهنتون کې د کرنې پوهنځي او د چاپېریال ساتنې ریاست لخوا په ګډې همغږۍ ونمانځل شوه.

په دې غونډه کې د پوهنتون رئیس پوهنمل حسین ګل اریوبي په پیلیزو خبرو کې زیاته کړه، چې د. . .

شنبه ۱۴۰۰/۳/۲۲ - ۱۱:۱۵
Background image

البیروني پوهنتون بیا عادي حالت ته د راګرځېدلو لپاره د بحران مدیریت تدابیر پلي کېږي

د البیروني پوهنتون د استادانو او اداري کارکوونکو پر موټر د سړک د غاړې ماین چاودنې وروسته د علمي کادري او اداري غړو تر منځ ژور خفګان رامنځته شوی.

نو د حالاتو د مدیریت او ژر تر ژره عادي. . .

پنجشنبه ۱۴۰۰/۳/۲۰ - ۸:۴۴
Background image

د قزاقستان هېواد د لېسانس دورې بورسیې رقابتي ازموینه نن په لوړو زده کړو وزارت کې واخیستل شوه

د افغانستان او قزاقستان هېواد لوړو زده کړو وزارتونو تر منځ لاسلیک شوي هوکړه لیک پر بنسټ د قزاقستان هېواد هر کال د لېسانس، ماسټرۍ او دوکتورا په کچه ۳۰ تحصیلي بورسونه د لوړو زده کړو وزارت. . .

BACK TO NEWS