پوهنتونونو کې په دري او پښتو ژبو د علمي برنامو د بیاکتنې لارښود توزیع کیږي
ټاکل شوې د علمي پروګرامونو د بیاکتنې لارښود سند (د علمي پروګرامونو د دوره يي بیاکتنې او د کلنۍ څارنې لارښود) چې د تېرو دريو کلونو په اوږدو کې د کيفيت د تضمين او اعتبار ورکولو ریاست، د علمي پروګرامونو پراختیا ریاست او د دولتي پوهنتونونو او یو شمېر خصوصي تحصیلي مؤسسو د علمي معاونينو د پرلپسې هڅو په پايله کې او د انګلېستان د لېسټر پوهنتون په تخنيکي همکارۍ او په کابل کې د برېټش کونسل د دفتر په مالي ملاتړ بشپړ شوی دی؛ له چاپ وروسته به لوړو زده کړو موسسو ته په دري او پښتو ژبو د پلي کېدو له پاره ووېشل شي.
په همدې موخه، پوهنمل عبدالتواب بالاکرزی د لوړو زده کړو علمي معین په داسې حال کې چې د اعتبار ورکولو او کيفيت د تضمين رييس دوکتور پوهندوی محمد نعيم عظيمي او د بيرون مرزي اسنادو د ارزونې رييس پوهاند حاجي محمد نعيمي هم حضور درلود په همدې ناسته کې مېرمن ګل غوټۍ واعظي په افغانستان کې د بريتش کونسل د علمي پروګرامونو مسووله د علمي دورو د تکرار د لارښود د چاپ او توزيع په اړه د لوړو زده کړو موسسو له پاره د بريتش کونسل په مالي مرستې سره د چاپ او توزيع له پاره خبرې وکړې.
د یادونې وړده، چې یاد لارښود به له چاپ وروسته د منظمو ورکشاپونو په دايرولو سره د هېواد په اوو زونونو کې د لوړو زده کړو موسسو ته د پلي کولو په برخه کې پوهاوی ورکړل شي.
لکه څرنګه چې د لوړو زده کړو وزارت د بريتش کونسل د شريکانو په توګه د لوړو زده کړو په برخه په وروستيو کلونو کې ګډې ليدونکې لاسته راوړنې خپلې اکادميکې ټولنې ته وړاندې کړې وي، په دې غونډه کې د دواړو لوريو په پراخه همکاريو سره د اړتیا وړ برخو کې د لوړو زده کړو سکتور د لا پياوړتیا په منظور خبرې وشوې
