کابل پوهنتون کې د بریالیو مېرمنو جشنواره د خلاقیت او وړتیا جوړولو بنسټ له خوا جوړه شوه
دغه جشنواره د سلگونو مېرمنو په ګډون د خلاقیت او نوښت بنسټ له لوري د کابل پوهنتون په اډېټوریم کې جوړه شوې وه.
د کابل پوهنتون رییس پوهاند ډاکټر محمد عثمان بابري د دې محفل د پايلو د اعلام پر مهال وویل، هغه مېرمنې چی په سختو او کړکېچنو شرایطو کې له کړاوونو سره سره په بېلابېلو برخو کې فعالیت کوي او هغه کسان چی د دې جشنوارې وروستي پړاو ته یې لاره موندلې ستاینه وکړه او هغه یې د هېواد غوره او لایق قشر وباله، بابري له يادو مېرمنو وغوښتل چې خپل علم او فعالیت نور هم زیات کړي او په بېلابېلو برخو کې د مېرمنو خالي موقفونه ډک کړي.
