د لوړو زده کړو وزیر د آزاد اسلامي پوهنتون مشرتابه پلاوي سره وکتل
د لوړو زده کړو وزیر ډاکټر عباس بصیر د آزاد اسلامي پوهنتون د نړیوالو او غیر اېراني محصلانو د چارو مرستیال علاءالدین بروجردي او ورسره پلاوي سره په لیدنه کې؛ د اېران او افغانستان د اکاډمیکو او علمي مرکزونو تر منځ د دوه اړخیزو همکاریو پر ډېروالي ټینګار وکړ.
د آزاد اسلامي پوهنتون د نړیوالو او بهرنیو محصلانو چارو مرستیال د آزاد اسلامي پوهنتون د پروګرامونو وړاندې کولو ترڅنګ وویل، چې آزاد اسلامي پوهنتون چمتو دی څو په بېلابېلو؛ په ځانګړي ډول د نوې علمي فناورۍ په برخه کې د فراه، نیمروز، ننګرهار، کندهار او هیواد نورو پوهنتونونو سره اړیکې پراخې کړي.
د لوړو زده کړو وزیر ډاکټر عباس بصیر د یاد پلاوي له هڅو د هرکلي تر څنګ د علمي تجربو پرمختګ په برخه کې د اېران علمي او اکاډمیکې همکارۍ مهمې وبللې او د دواړو هیوادونو تر منځ یې د علمي همکاریو پر پیاوړتیا ټینګار وکړ.
د لوړو زده کړو وزیر زیاته کړه چې دغه وزارت افغانستان کې له هغو بېلابېلو هیوادونو چې تحصیلي برخه کې فعالیت کوي توقع لري؛ څو هغه ظرفیت په افغانستان کې هم پلی کړي چې په خپلو هیوادونو کې یې پلی کړی دی.
