د لوړو زده کړو وزارت علمي معین ننګرهار ته د خپل کاري سفر په ترڅ کې د ننګرهار پوهنتون د فوق لېسانس د ۷ برنامو بیاکتنه او ارزونه وکړه.
د لوړو زده کړو وزارت علمي معین ننګرهار ته د خپل کاري سفر په ترڅ کې د ننګرهار پوهنتون د فوق لېسانس د ۷ برنامو بیاکتنه او ارزونه وکړه.
د لوړو زده کړو وزارت علمي معین دوکتور لطف الله خیرخواه ننګرهار پوهنتون ته د خپل کاري سفر په ترڅ کې، چې د یاد پوهنتون د علمي چارو مرستیال پوهنمل احسان الله ناصح یې ملتیا کوله، د ننګرهار پوهنتون د ماسترۍ او دوکتورا د ۷ برنامو( د فقهې او قانون، تفسير او حديث، قضا او څارنوالۍ، پښتو ژبې او ادب، ادارې او تجارت او عربي ژبې او ادب څانګو د ماسترۍ او د فقهې او قانون څانګې) د دوکتورا پروګرامونو د نصاب او کریکولم، علمي او تدریسي چارې له نږدې ولیدې او د یادو پروګرامونو د څارنې او ارزونې تر څنګ یې د هغو د لا زیات معیاري کولو په اړه مسؤلینو ته لازمې سپارښتنې وکړې.
دغه راز ښاغلي خیرخواه د دې لیدنې پرمهال د تدریسي بهیر، درسي صنفونو، کتابتونونو، تحقیق او تېزس لیکنې مراحلو او نورو بېلابېلو برخو ارزونه هم وکړه.
همدارنګه علمي معین د یادې لیدنې پرمهال د ننګرهار پوهنتون د یادو پروګرامونو مسؤلینو، استادانو او محصلینو غوښتنې او وړاندیزونه واورېدل او د مناسبو حل لارو پر پیدا کېدو د حل ډاډ یې ورکړ.
همدا رنګه نوموړي د یادو علمي برنامو شتون په هېوادنۍ کچه ستر فرصت وباله او زیاته یې کړه، چې د لا زیات معیاري کېدو، پراختیا او پیاوړتیا لپاره به یې هلې ځلې وکړي.
