د لوړو زده کړو وزارت د دعوت او ارشاد ریاست ریس، شاکر الله وحدت په مشرۍ د مرکزي خصوصي تحصیلي بنسټونو د دعوت او ارشاد له امرینو سره د همغږۍ ناسته وشوه.
د لوړو زده کړو وزارت د دعوت او ارشاد ریاست ریس، شاکر الله وحدت په مشرۍ د مرکزي خصوصي تحصیلي بنسټونو د دعوت او ارشاد له امرینو سره د همغږۍ ناسته وشوه.
غونډه د قرآن مجید په تلاوت سره پیل شوه، وروسته د دعوت او ارشاد امر ولی محمد ګډونوالو ته د ټولنې او تحصیلي بنسټونو پر وړاندې پر دیني مسؤلیتونو خبرې وکړې.
شیخ شاکرالله وحدت وویل، چې د دعوت او ارشاد ریاست موخه د اسلامي او ملي ارزښتونو پر اساس د ځوانو نسلونو د فکرونو روزل دي. هغه زیاته کړه چې ځوانانو ته باید د عصري علومو تر څنګ شرعي او دیني علوم هم زده کړل شي. علماء او دعوتګران د انبیاوو وارثان دي او د ټولنې پر وړاندې ستر مسؤلیتونه لري. هغه د عوت او ارشاد له لورې د تحصیلي بنسټونو لپاره پر جوړې شوې طرحې خبرې وکړي او وویل چې په خصوصي او دولتي بنسټونو کې به نوموړې طرحه یو ډول پلې کیږي. هغه د خصوصي بنسټونو څخه وغوښتل چې د دعوت او ارشاد د امر په صفت موږ ته هغه کسان معرفي کړي چې له دینی علومو څخه فارغ وي.
وروسته څو تنو ګډونوالو د ټولنې او ځوانانو پر وړاندې پر مسؤلیتونو خبرې وکړې او د دعوت او ارشاد رئیس سره یې وړاندیزونه او خپل نظریات شریک کړل او د طرحې عملي کولو ډاډ يې ورکړ.
غونډه په دعا سره پای ته ورسېده
