په شېخ زاید پوهنتون کې د ۱۴۰۰کال د پسرلي په رارسېدو سره د نويو نیالګیو کېنولو لړۍ پیل شوه
د نیالګیو کېنولو په دې لړۍ کې د شېخ زاید پوهنتون علمي مرستیال پوهنمل شفیع ګل شفیقي او د محصلانو چارو مرستیال پوهنیار داوود بابکرخېل په خپلو خبرو کې د نیالګیو په کېنولو او د چاپېریال ساتنې په ارزښت لنډې ویناوې وکړې او ویې ویل چې نیال کېنونه راتلونکي نسل ته د سالم چاپېریال سپارنه ده.
د چاپېریال ساتنې مشر انجنیر پاینده محمد سهاک او د ټولګټو چارو مشر انجنیر صبغت الله کاظمي د چاپېریال ساتنې په اړه د شېخ زاید پوهنتون له مشرتابه سره د هر ډول همکارۍ ډاډ ورکړ.
د نیال کېنونې په دې لړۍ کې زینتي او مېوه لرونکي نیالګي کېنول شول چې دغه نیالګي د شېخ زاید پوهنتون د کرنیز فارم تولید دی.
د یادونې وړ ده، چې د ولایت مقام سره د شېخ زاید پوهنتون څېړنیز فارم (۴۰۰) د ګلابو زینتي بوټو مرسته وشوه.
