د افغانستان د ځانبسیاینې د زرغون انقلاب لومړی نړیوال کنفرانس پیل شو 

naser_admin
دوشنبه ۱۴۰۳/۹/۵ - ۱۰:۳۶
Ddfgffffybjkkllll

 

یاد کنفرانس په کندهار ولایت کې د لوړو زده کړو سرپرست وزیر محترم شیخ الحدیث مولوي نداء محمد ندیم، د کرنې، اوبو لګولو او مالدارۍ سرپرست وزیر مولوي عطاء الله عمري، د ا.ا.ا مرکزي ویاند مولوي ذبیح الله مجاهد، د کندهار والي الحاج ملا محمد شیرین آخند، د لوړو زده کړو وزارت علمی معین دوکتور لطف الله خیرخواه د اوبو او انرژي وزارت تخنیکي سلاکار ډاکټر فاروق اعظم، د بېلابېلو پوهنتنونو استازو او استادانو او د کورنیو او بهرنیو متخصصینو په ګډون سره پیل شو.

 

د کنفرانس د پرانیستې په مراسمو کې د لوړو زده کړو سرپرست وزیر محترم شیخ الحدیث مولوي نداء محمد ندیم وویل چې د تېرو جګړو له امله د هېواد کرنیزه برخه هم زیانمنه شوې او موږ په دې هڅه کې یو چې د نورو برخو تر څنګ، د دې برخې ستونزو ته بنسټيزې حل لارې پیدا کړو او کرنیزه برخه په پښو یې ودروو. 

 

دغه راز د کرنې، اوبو لګولو او مالدارۍ سرپرست وزیر مولوي عطاءالله عمري ژمنه وکړه چې په دې کنفرانس کې وړاندې کېدونکې مقالې او طرحې به د خپل وزارت اړوندو برخو کې عملي کوي او اعظمي ګټه به ترې اخلي. 

 

همدا راز د ا.ا.ا مرکزي ویاند مولوي ذبیح الله مجاهد د هېواد په کرنه کې د عصري وسایلو او نویو میتودونو پر کارونې ټينګار وکړ او زیاته یې کړه، چې دا ډول کنفرانسونه باید په هر ولایت او ولسوالیو کې جوړ شي. 

 

د لوړو زده کړو وزارت علمي معین دوکتور لطف الله خیرخواه وویل چې کرنه یوازې په کرکیله پورې نه ده تړلې، بلکې د ژوند نور مهم اړخونه هم ور پورې تړلي دي، هغه زیاته کړه چې په دې برخه کې د ځانبسیاینې لپاره ډېر کار او ډېرو هڅو ته اړتیا ده.

 

کنفرانس کې د کندهار والي الحاج ملا محمد شیرین آخند، د اوبو او انرژي وزارت تخنیکي سلاکار ډاکټر فاروق اعظم، د کابل پوهنتون رئيس دوکتور اسامه عزیز، د کندهار انسټو پوهنتون رئیس الحاج مولوي داود شاه آغا هاشمي، بهرنیو استادانو او نورو ویناوالو د هېواد کرنې سکټور پر پیاوړتیا خبرې وکړې. 

 

د یادونې وړ ده چې دغه کنفرانس د کابل پوهنتون له لوري په کندهار ولایت انسټو پوهنتون کې پیل شو، چې په دریو ورځو کې به د داخلي او بهرنیو استادانو له لوري شاوخوا ۸۵ څېړنیزې مقالې پکې وړاندې شي.

 

نېټه: دوشنبه

۱۴۴۶ هـ.ق د جمادي الاول ۲۳ مه

۱۴۰۳ هـ.ش د قوس ۵ مه

۲۰۲۴ م د نومبر ۲۵ مه

تازه خبرونه

پنجشنبه ۱۴۰۴/۱۲/۳۰ - ۱۵:۳۲
Background image

د لوړو زده کړو سرپرست وزیر د هېواد، اتو دیني جامعاتو د فاضلانو یو میاشتنۍ روزنیزې دورې فراغتغونډه کې ګډون او وینا وکړه

 

د لوړو زده کړو سرپرست وزیر محترم شیخ الحدیث مولوي نداء محمد ندیم، د تفسیر شریف او تطویرالمستوي العلمي دورې، چې په عبدالله بن مسعود رضي الله عنه جامعه کې جوړه شوې وه او نن پای ته. . .

شنبه ۱۴۰۴/۱۲/۲۵ - ۱۴:۳۱
Background image

د لوړو زده کړو وزارت سرپرست وزیر په کندهار پوهنتون کې د مسؤلینو، استادانو او محصلینو یوې سترې غونډې ته وینا وکړه

 

د لوړو زده کړو سرپرست وزیر محترم شیخ الحدیث مولوي نداء‌ محمد ندیم، کندهار ولایت ته د خپل کاري سفر پرمهال، په کندهار پوهنتون کې د مسؤلینو، استادانو او محصلینو یوې سترې غونډې ته په. . .

BACK TO NEWS