د لوړو زده کړو سرپرست وزیر د خپل کاري سفر پر دوام په ننګرهار پوهنتون کې د بامیان پوهنتون په ګډون د ختیځ زون څلورو دولتي پوهنتونونو د اسلامي ثقافت لپاره د نویو استادانو په ډیمو (عملي تدریس کنفراسونو) کې ګډون وکړ.
د لوړو زده کړو سرپرست وزیر الحاج مولوي عبدالباقي حقاني، چې د ختیځ زون ولایتونو ته یې سفر پیل کړی، پر دوام یې په ننګرهار پوهنتون کې د بامیان پوهنتون او د ختیځ زون څلورو (ننګرهار، لغمان، کنړ او نورستان) پوهنتونونو اسلامي ثقافت لپاره د استادانو په ډیمو (عملي تدریس کنفرانسونو) کې ګډون وکړ.
سرپرست وزیر د یادو پوهنتونونو د اسلامي ثقافت د استادانو د ډيموګانو په پیل کې وویل ((ختیځ زون ته د سفر موخه یې د پوهنتونونو د تحصیلي بهیر له نږدې څخه لیدنه، ستونزو او مشکلاتو ته یې رسیدګي او د اسلامي ثقافت د نویو رامنځ ته شویو بستونو لپار د استادانو وروستي کنفرانسونو کې ګډون و)).
د لوړو زده کړو سرپرست وزیر همدا راز وویل، چې د دغو استادانو جذب د یوې ټاکلې کمېټې لخوا د هر پوهنتون له اړوندو ډيپارټمنټونو سره په همکارۍ ترسره کېږي.
د یادونې ده، چې د دغو پوهنتونونو د اسلامي ثقافت بستونو لپاره له نوماندانو څخه تحریري، تقریري، مسلکي او د عربي ژبې ازموینې اخیستل شوې دي او په دغو بېلا بېلو ازموینو کې بریالیو نوماندانو خپلې ډیموګانې د لوړو زده کړو وزارت سرپرست وزیر او ژوري هیت په حضور کې وړاندې کړې او د دوی پوښتنو ته یې ځوابونه وویل.
