د لوړو زده کړو وزارت مالي او اداري معینیت شورا د همغږۍ غونډه د دغه وزارت مالي او اداري معین مولوي حافظ محمد حامد حسیب په مشرۍ ترسره شوه.
په پیل کې د لوړو زده کړو وزارت مالي او اداري معین د دغه معینیت د همغږۍ غونډو د لا ښه تنظیم په اړه وینا وکړه او د غونډې غړو ته یې لازمې لارښوونې وکړې.
ورپسې د غونډې د معمول له مخې د تېرې غونډې پر پرېکړو لنډه کتنه وشوه او اړوندو رئیسانو خپل راپورونه وړاندې کړل.
وروسته، د اجنډا سره سم، د فارم ایډیکس او افغان ایکس پلیټ فارمونو د بیا فعالولو څرنګوالي، د کادري روغتونونو سیستم چمتو کولو، د نړیوالې څیړنې او مطالعاتو شبکې سره یوځای کولو، د بدخشان پوهنتون نوې تدریسي ودانۍ ترمیم، د کابل د ښوونې او روزنې پوهنتون په کمپیوټر ساینس پوهنځی کې د شپنۍ دورې د دوه پروګرامونو په پیل او د بلخ پوهنتون د اسلامي تعلیماتو په پوهنځي او نورو موضوعاتو په اړه بحث او لازم تصمیمونه ونیول شول.
