د لوړو زده کړو وزارت پلاوي د خپل کاري سفر په ترڅ کې د سمنګان لوړو زده کړو او مولانا جلال الدین محمد بلخي خصوصي لوړو زده کړو مؤسسو څخه څارنه او ارزونه وکړه.
د لوړو زده کړو وزارت خصوصي محصلانو چارو رئیس انجنیر سید اسماعیل روحاني په مشرۍ، په داسې حال کې چې د لوړو زده کړو وزارت د علمي پروګرامونو د پراختیا رئیس انجنیر روح الله روحاني، د مالي او اداري چارو رئیس عبدالباري خپلواک هم حضور در لود، د سمنګان لوړو زده کړو مؤسسې د ۱۴۰۱کال کانکور له لارې د محصلینو د جذب ظرفیت امکانات له نږدې وکتل او د یادې مؤسسې د مختلیفو علمي او اداري چارو څارنه او ارزونه یې وکړه.
همدارنګه یاد پلاوي په سمنګان ولایت کې د مولانا جلال الدین محمد بلخي خصوصي لوړو زده کړو مؤسسې له بېلابېلو څانګو څخه څارنه او ارزونه ترسره کړه.
د لوړو زده کړو وزارت پلاوي د یادو تحصیلي بنسټونو له مشرتابه، استادانو او اداري کارکوونکو سره په یوه ناسته کې، په دغو بنسټونو کې د اسلامي او افغاني ارزښتونو مراعاتولو او د لوړو زده کړو وزارت پالیسیو د عملي کولو په برخه کې لازمې سپارښتنې وکړې، چې د یادو تحصیلي بنسټونو د رهبرۍ له لوري ډاډ ورکړل شو.
