د هېواد په مرکز او ولایتونو کې د لوړو زده کړو بنسټونو د حقوقي کلینیکونو د مسوولینو د ظرفیت لوړولو په موخه په کابل پوهنتون کې د محصلانو د خدمتونو د همغږۍ ریاست له خوا درې ورځنی سمینار جوړ شو.

nasir_admin
سه‌شنبه ۱۴۰۲/۱۱/۳ - ۴:۳۵
514000489


د یاد سمینار د پرانیستې په مراسمو کې د لوړو زده کړو وزارت د محصلانو د خدمتونو د همغږۍ رئیس استاد کلیم الله محمدي د سمینار ګډونوالو ته د ښه راغلاست ویلو تر څنګ د هېواد په تحصیلي بنسټونو کې د حقوقي کلینیکونو پر اهمیت او ارزښت خبرې وکړې.
هغه وويل، حقوقي کلينيکونه د شرعياتو او حقوقو پوهنځيو د محصلينو د عملي پوهې د کچې د لوړولو لپاره ډېر ګټور دي.
نوموړي همدارنګه د تحصیلي بنسټونو د حقوقي کلینیکونو له مسوولینو وغوښتل، چې محصلینو ته د خدمتونو په وړاندې کولو کې لا زیاتې هڅې وکړي، محصلین په اسلامي او افغاني افکارو او اخلاقو وروزي او ټولنې ته یې وړاندې کړي.
ورپسې د لوړو زده کړو وزارت د دولتي محصلانو چارو رئیس استاد حامد یعقوبي د یاد سمینار پر جوړېدو خوښي څرګنده کړه او د هېواد د تحصیلي بنسټونو محصلینو ته یې د عملي کار د زمینې برابرول مهم وبلل.
هغه وويل: «له هغه وخته چې محصلينو ته د مشورې ورکولو او عملي کار په موخه حقوقي کلينيکونه جوړ شوي، د عملي کار په څانګه کې محصلينو ته د خدمتونو وړاندې کول يوه مهم او اساسي کار دی.»
ورپسې د حقوقي ستاژ مرکز مشر استاد نذیر احمد نثار په حقوقي کلینکونو کې د شاملو موضوعاتو او نصاب په اړه خبرې وکړې او ویې ویل، کورنۍ قضیې، متخلف ماشومان او د جزا څانګې هغه برخې دي چې په حقوقي کلینیکونو کې ورباندې بحث کیږي.
نېټه: دوشنبه
۱۰/۷/۱۴۴۵ هـ ق ۲/۱۱/۱۴۰۲ هـ ش ۲۲/۱/۲۰۲۴ م

Latest announcements

چهارشنبه ۱۴۰۴/۳/۷ - ۵:۶
Background image

خبرتیا!

د دیني جامعاتو او تخصصاتو عمومي ریاست په پام کې لري، چې د کابل زون د لاندې کټګوریو هغو علماء کرامو ته اسناد توزیع کړي، چې نومونه یې د ذکر شویو لینکونو په لیستونو کې شامل وي.
کابل زون . . .

Back to announcements

تازه خبرونه

پنجشنبه ۱۴۰۴/۳/۲۲ - ۱۰:۲
Background image

د لوړو زده کړو وزارت علمي معین د کازان نړیوال فورم کې ګډون وکړ.

 

د ا.ا.ا د لوړو زده کړو وزارت علمي معین، شیخ ضیاءالرحمن الاریوبي د روسیې د تاتارستان جمهوریت په پلازمېنه کازان کې د لوړو زده کړو او پوهنې وزیرانو په درېیم نړیوال فورم کې ګډون وکړ.

 

. . .
چهارشنبه ۱۴۰۴/۳/۲۱ - ۱۰:۲۳
Background image

د ا.ا.ا د لوړو زده کړو او پوهنې وزارتونو لوړ رتبه پلاوي د روسیې د پوهنې وزارت له معین سره د علمي همکاریو، پراخېدو په اړه خبرې وکړې 

 

د لوړو زده کړو وزارت علمي معین شیخ ‌ضیاءالرحمن الاریوبي، د پوهنې وزارت معین مولوي سخاءالله سعید او ورسره مل پلاوي د خپل رسمي سفر په لړ کې د فدراتیف روسیې تاتارستان جمهوریت کازان ښار. . .

پنجشنبه ۱۴۰۴/۳/۱۵ - ۵:۴۷
Background image

د امارتي او خصوصي تحصیلي نهادونو شپږو علمي مجلو ته جوازونه ورکړل شول


د لوړو زده کړو وزارت څېړنې، تألیف او ژباړې ریاست د روان ۱۴۰۴هـ.ش کال په جوزا میاشت کې د هېواد په تحصیلي نهادونو کې د علمي څېړنو عامولو او معیاري کولو په موخه، شپږو علمي څېړنیزو مجلو ته. . .

BACK TO NEWS