په کابل پوهنتون کې د ۳۳ میلیونه افغانیو په ارزښت د ۸ کیلومټره سړک د بیارغونې او جوړېدو چارې پیل شوې
د لوړو زده کړو سرپرست وزیر شیخ الحدیث مولوي نداء محمد ندیم د کابل پوهنتون رهبرۍ په ملتیا په کابل پوهنتون کې د ۳.۵ کیلومټره سړک جوړیدا او ۴.۵ کیلومټره سړک بیارغونې چارې د پټۍ په پرېکولو سره پیل کړې.
په یادو مراسمو کې سرپرست وزیر وویل چې د یادو سړکونو په بیارغونې او جوړیدو سره به په کابل پوهنتون کې د تګ راتګ اسانتیاوې رامنځته شي. نوموړي زیاته کړه چې په راتلونکي کې د کابل پوهنتون ابادۍ لپاره یو لړ نورې پروژې هم ترلاس لاندې لري.