د لوړو زده کړو سرپرست وزیر مولوي عبدالباقي حقاني او ورسره مل پلاوي د زنان افغان (مورا) خصوصي لوړو زده کړو مؤسسې څخه لیدنه وکړه
۱۴۰۰کال، د کب ۱۹مه
د لوړو زده کړو سرپرست وزیر مولوي عبدالباقي حقاني او ورسره مل پلاوي د زنان افغان (مورا) خصوصي لوړو زده کړو مؤسسې څخه لیدنه وکړه.
د دغې لیدنې پر مهال د لوړو زده کړو سرپرست وزیر د یاد تحصیلي بنسټ د مسؤلانو په غوښتنه د زنان افغان (مورا) خصوصي لوړو زده کړو مؤسسې نوم په (بي بي عایشه) بدل کړ. دغه راز د لوړو زده کړو سرپرست وزیر د یاد تحصیلي بنسټ له کتابتون، لابراتوارونو او درسي چاپېریال څخه د لیدنې پر مهال د دغه بنسټ د مؤسس پانګونه وستایله او سپارښتنه يې ورته وکړه چي د شرعياتو پوهنځۍ د ايجاد په شمول دي د ټولو اسلامي او شرعي اصولو رعايت وساتل شي.
د یاد تحصیلي بنسټ مسؤل د لوړو زده کړو سرپرست وزیر او ورسره مل پلاوي له ورتګ څخه مننه وکړه او ياد مسئول د طب، اقتصاد، او قابله ګي عالي پوهنځيو په فيسونو کي د تخفيف اعلان هم وکړ.
دغه راز ياد مسئول د معیاري تحصیلي خدمتونونو د وړاندې کولو پوره ژمنتیا هم وښوده.
