ننګرهار پوهنتون کې د ختیځ زون د دولتي پوهنتونونو د اسلامي ثقافت د ۷۹ کادري بستونو د عربي ژبې ازموینه واخیستل شوه.
د ختیځ زون د دولتي پوهنتونونو د اسلامي ثقافت د ۷۹ کادري بستونو د عربي ژبې ازموینې له جریان څخه د لوړو زده کړو وزارت علمي معین دوکتور لطف الله خیرخواه او مالي او داري معین حافظ مولوي محمد حامد حسیب د لیدنه او څارنې تر څنګ، د یادې ازموینې ګډونوالو ته د پوره روڼتیا ډاډ ورکړ او ازموینه یې له نیږدې رهبري کړه.
همدارنګه د ننګرهار پوهنتون رئیس پوهاند دوکتور خلیل احمد بهسودوال د ازموینې ګډونوالو ته ډاډ ورکړ، چې د لوړو زده کړو وزارت د مشرتابه پلاوي د مستقیم نظارت او لارښوونو په رڼا کې یې د عربي څانګې د استادانو او ټاکل شوي ممتحنه هیئت سره په ګډه د ازموينې د روڼتیا او شفافیت په برخه کې تر ممکنه حده هلې ځلې کړي دي.
د یادولو وړ ده چې په یاده ازموینه کې ۳۷۶ نوماندانو کې ګډونه کړی.
