د لوړو زده کړو سرپرست وزیر ننګرهار ولایت ته د خپل کاري سفر په ترڅ کې د ننګرهار پوهنتون د یو شمېر پوهنځيو له رئیسانو، د څانګو له امرینو او استادانو سره د کارونو د غوره والي په موخه ناسته وکړه.
په یاده ناسته کې د لوړو زده کړو سرپرست وزیر الحاج مولوي عبدالباقي حقاني د ننګرهار پوهنتون پر علمي پرمختګ ټينګار وکړ او له استادانو یې وغوښتل چې د خپل هېواد د ودانولو په برخه کې رغنده رول ولوبوي.
همدارنګه د یاد تحصیلي بنسټ د استادانو په استازیتوب د شرعیاتو پوهنځی استاد پوهاند دوکتور دل اقا وقار د دغه پوهنتون ستونزې او وړاندیزونه د لوړو زده کړو له مشرتابه سره شریک کړل، چې د لوړو زده کړو سرپرست وزیر یې د حل په موخه د همکارۍ ډاډ ورکړ.
